ءبيبىسارا اساۋباەۆا ءتورتىنشى تۋردا الەمنىڭ قازىرگى چەمپيونى, قىتايلىق تسزيۋي ۆەنتسزيۋنمەن كەزدەستى. نەگىزگى پارتيا تەڭ ناتيجەمەن اياقتالعاننان كەيىن شاحماتشىلار ارماگەددون فورماتىندا باق سىنادى.
قازاقستان شاحماتشىسى قوسىمشا پارتيادا اق تاستارمەن ويناپ, 6 مينۋت 23 سەكۋند ىشىندە جەڭىسكە جەتتى. وسىلايشا ءبيبىسارا اساۋباەۆا 1,5 ۇپاي ەنشىلەپ, جالپى ەسەپتەگى ۇپاي سانىن 7-گە جەتكىزدى جانە تۋرنير كەستەسىندەگى ءبىرىنشى ورنىن ساقتاپ قالدى.
ءتورت تۋردىڭ قورىتىندىسى بويىنشا ءبيبىسارانىڭ ەڭ جاقىن قارسىلاسى – ۇندىستاندىق شاحماتشى ديۆيا دەشمۋح. ونىڭ ەنشىسىندە 5,5 ۇپاي بار. ال ودان كەيىنگى ورىنداردا ۋكراينالىق اننا مۋزىچۋك پەن قىتايلىق چجۋ تسزينەر كەلە جاتىر. ەكەۋىندە دە 5 ۇپايدان.
ءبيبىسارا اساۋباەۆا «ۇمىتكەرلەر تۋرنيرىندە» ۇزدىك ۇشتىككە ەندى
ايتا كەتەيىك, ءبيبىسارا اساۋباەۆا العاشقى تۋردا ۇندىستاندىق گروسسمەيستەر حامپي كونەرۋءدى جەڭگەن بولاتىن.
