كوكباستاۋداعى ءدۇبىرلى بايگە

جەتىسۋلىقتار استانا مەرەكەسىنە ارنالعان جارىس جالاۋىن جەلبىرەتتى ءححى عاسىردىڭ عاجايىبى – ەلوردانىڭ تۋعان كۇنىن وبلىستىق ات سپورتى فەدەراتسياسى رەسپۋبليكالىق “بىرلىگىمىز جاراسقان!” اكتسياسى ايا­سىندا ۇيىمداستىرىپ, “تاۋەلسىزد­ى­گىمىزدىڭ بويتۇمارى – اسەم استانا” مەرەيى جامبىل اۋدانىنداعى “كوكباستاۋ” اتشابارىندا جالعاستى.كوك شالعىنى مەن قىرمىزى گ ۇلى بەلدەن كەلەتىن بەلەس-بەل اق جاۋىن­نان سوڭ تۇرلەنە تۇسكەن. اۋىزدى­عى­مەن الىسقان قازمويىن, تۇلپار­لار­دىڭ تىزگىنىن تارتقان شاباندوزدار ءدۇبىرلى ءساتتى اسىعا كۇتكەن. جارىسقا ەلىمىزدىڭ بارلىق وب­لىس­تارىنان جانە رەسەي مەن قىر­عىزستاننان 224 سايگ ۇلىك قاتىسىپ, قالتالى ازاماتتار تىككەن 7 اۆتوكولىك ساراپقا سالىندى. كوكباستاۋدىڭ كوكوراي شالعىن­دى بەلەسىنە جانكۇيەرلەر ادەتتەگىدەي كوپ جينالىپ, ءدۇبىرلى ءساتتىڭ شى­رايىن كىرگىزدى. توبەدەن باستاپ, ەتەككە دەيىن اقشاڭقان كيىز ۇيلەر تىگىلسە, ۇلتتىق ناقىشپەن ورىلگەن باس­قۇرى مەن بەلبەۋى, ۇزىگى مەن جەل­باۋى, شەبەر قولدان شىققان قى­زىلدى-جاسىلدى تۇسكيىز بەن تەكەمەت كوز قىزىقتىرادى. العاشقىداعى جارىس جولىنداعى توپ بايگەگە 67 تۇلپار قوسىلدى. ءباي­گە دەسە دەلەبەسى قوزاتىن حالىقپىز. جەل­مەن جارىسقان قامبار اتا ءت ۇلى­گىن قۇرمەتتەگەن كوپشىلىك ءوز باي­لامدارىن ايتىپ, وعان قيقۋ قوستى. “جۇيرىكتەن جۇيرىك وزار جا­رىسقاندا” دەپ بەكەر ايتىلماعان. ءبىر-بىرىمەن ىركەس-تىركەس شىققا­ندار­دىڭ بىرتە-بىرتە ارالارى الشاقتاي بەردى. ناتيجەسىندە, 15 شاقىرىمدىق توپ بايگەدە الدىنا جان سالماعان شىعىس قازاقستاننان كەلگەن ءىزباسار پىراعىنىڭ باعى جانىپ, جۇلدەلى بولسا, اۋزىمەن قۇس تىستەگەن جامبىل وبلىسىنىڭ كريسمي تۇلپارى بۇل جولى ەكىنشى ورىندى مىسە تۇتتى. جىلقىدا دا جىلقى بار, قازا­­­ناتى ءبىر بولەك, دەگەن. بايگەدەگى قۇنان جارىسىنىڭ وزىندىك ورنى بار. سودان دا بولار, اتبەگىلەر ق ۇلى­نى­نان باستاپ, بابى مەن باعىن سى­ناي­تىن شاعىنداعى وسى دوداعا ءبىر ءۇمىت, ءبىر كۇدىكپەن ات قوسادى. كوكباستاۋ جازىعىنداعى جارىس ەلوردانىڭ تويى – ەلدىڭ تويى ەكەنىن تاعى ءبىر قىرىنان تانىتىپ, 11 شاقىرىمدىق قۇنان بايگەگە قوسىلعان 57 تۇل­پار­دىڭ اراسىنان قاراساي اۋدانىنىڭ جيرەنى مارە سىزىعىن ءبىرىنشى بو­لىپ قيدى. ال, 9 شاقىرىمعا سوزى­ل­عان جورعا جارىسىندا بايقاعانى­مىزداي, ات سپورتىنىڭ بۇل تۇرىنە قو­سىلاتىندار قاتارىنىڭ كوپ ەمەس­تىگى. دەسەك تە, سۋ توگىلمەس جورعا جارىسىنىڭ وزىندىك ءتارتىبىن قاتاڭ ساقتاپ, اينالىم سايىن شابىسىنان جاڭىلماعان قوردايلىق تاحمينا ءبىرىنشى, قىرعىزستاننان كەلگەن سايگ ۇلىك ەكىنشى ورىننان كورىندى. جانكۇيەرلەر تاعاتسىزدانا كۇت­كەن الامان بايگە دە باستالدى. ات­شا­بار الاڭى مۋزىكا سازىمەن ءورىلىپ, 21 شاقىرىمدىق جارىس جولىنا شىققان­داردىڭ مەرەيىن تاسىتتى. كىلەڭ اتاعى الىسقا كەتكەن تۇلپار­لار مەن پىراقتار. وسى مەكەندەگى دودالى باسەكەدە ءاردايىم باپكەرىنىڭ باعىن جاندىرعان تۇلپارلار قاتارى دا مول. دەسەك تە, باسەكەنىڭ دە جۇل­دىزدى شاعى بولادى. بۇل جولى قا­راسايلىق بولات ءابىش­ۇ­لىنىڭ پوكەرى 79 اتتان وق بويى وزىپ, مارەدەن جۇلدىزداي اعىپ ءوتىپ, باس ءباي­گەگە تىگىلگەن “دجيپ” اۆتوكولىگىن يەسىنە سىيلاسا, سوڭعى اينالىمعا دەيىن توپ باستاعان ىلەلىك زاكىت جۇيرىگى ەكىنشى, استانالىق ينسۋللا ارعىماعى ءۇشىنشى كەلدى. ۇلتتىق ات سپورتى جارىسىندا قا­زاقستان رەسپۋبليكاسى ۇلتتىق ويىندار قاۋىمداستىعىنىن پرەزي­دەنتى قايرات ساتىبالدى سويلەدى. – ارقاداعى استانا مەرەكەسىن جەتىسۋ جۇرتى ات شاپتىرىپ, كوكپار تارتىپ, دۇركىرەتىپ اتاپ ءوتتى. جە­ڭىمپازدار جەڭىستەرىن ەلورداعا ار­نادى. جالپى, قازاقتا اتپەن باي­لانىستى سپورتتىڭ 50-گە تارتا ءتۇرى بار. بىراق, ونىڭ ءبارى بىردەي دامىپ وتىر دەي المايمىز. كەلەشەكتە وسى ماسەلەلەر ەسكەرىلەتىن بولادى, – دەدى ۇلتتىق ويىن جاناشىرى. – سارىارقا تورىندەگى ۇلتتىق رۋحتىڭ بويتۇمارى – استانا مەم­لە­كەت باسشىسى نۇرسۇلتان نا­زار­باەۆ­تىڭ قولتاڭباسى, ۇشقىر يدەياسى مەن جاسامپاز ەڭبەگىنىڭ جەمىسى, – دەگەن جامبىل اۋىلىنىڭ تۇرعىنى, ەڭبەك ارداگەرى جانات تۇراپوۆ ءوز ويىن ءارى قاراي بىلايشا ساباقتادى. – ەلور­دانىڭ سيمۆو­لىن­داي بولعان بايتەرەك, “قازاق ەلى” مونۋمەنتى, كەرەي مەن جانىبەك حاندارعا ارنالعان, باسقا دا تاريحي تۇلعا­لاردىڭ ايبىندى ەسكەرت­كىشتەرى, ساۋلەتتى كەشەندەرى – ەلدى­گى­مىزدىڭ نىشانى. كوپشىلىك قىز قۋ, اۋدارىسپاق, تەڭگە الۋ ءتارىزدى ۇلتتىق ويىنداردى تاماشالادى. اڭگىمەگە تارتقان وب­لىستىق ات سپورتى فەدەرا­تسيا­سى­نىڭ پرەزيدەنتى و.ءامىر­عا­ليەۆ الداعى كەزدە مۇنداي ىرگەلى ىستەردىڭ جالعاساتىنىن جەتكىزدى. ء“وز­دەرىڭىز تاماشالاعانداي, كوكپاردان “اق بيداي” ويىندارىنىڭ جەڭىم­پا­زى, وب­لىستىق “ۇشقوڭىر” كومان­دا­سى تەمىر تۇلپاردىڭ كىلتىن الدى. دالا تەاترىنا بالاناتىن بايگەنىڭ وتۋىنە اۋا رايى دا وڭ ىقپال ەتتى”, دەدى. وسىلايشا كوك­باستاۋداعى ءدۇ­بىر­لى بايگە مارەسىنە جەتىپ, استانا مەرەيىن اسقاقتاتتى. كۇمىسجان بايجان, الماتى وبلىسى.