ادىستەمەلىك ورتالىق ماماندارى, اتا-انالار قاۋىمداستىعى, پەداگوگتەر مەن مەكتەپ وقۋشىلارى قاتىستى. قوناقتار مەكتەپتەگى ءبىلىم بەرۋ ۇدەرىسىندەگى جاڭاشىل باعىتتارمەن, وقۋشىلاردىڭ جەتىستىكتەرىمەن جانە شىعارماشىلىق جۇمىستارىمەن تانىستى.
ءبىرىنشى بولىمدە مەكتەپتىڭ ونەرلى وقۋشىلارى مەرەكەلىك كونتسەرتتىك باعدارلاما ۇسىنىپ, قوناقتارعا كوتەرىڭكى كوڭىل كۇي سىيلادى. وقۋشىلار پاتريوتتىق جانە تاربيەلىك ءمانى جوعارى اندەر ورىنداپ, تەاترلىق قويىلىم كورسەتتى. سونىمەن قاتار ۇلتتىق ونەردى ناسيحاتتاۋ ماقساتىندا دومبىرادا كۇيلەر ورىندالدى. وقۋشىلاردىڭ ساحنا مادەنيەتى مەن شىعارماشىلىق قابىلەتتەرى كورەرمەن تاراپىنان جوعارى باعالاندى.
ەكىنشى بولىمدە 1-10 سىنىپ وقۋشىلارىنىڭ عىلىمي-زەرتتەۋ جانە شىعارماشىلىق جوبالارىنىڭ كورمەسى ۇيىمداستىرىلدى. كورمە بارىسىندا وقۋشىلار ءوز جوبالارىن تانىستىرىپ, زەرتتەۋ جۇمىستارىنىڭ ماقساتى مەن ناتيجەلەرى تۋرالى جان-جاقتى اقپارات بەردى. ۇسىنىلعان جۇمىستار ەكولوگيا, تسيفرلىق تەحنولوگيا, وقۋ ساۋاتتىلىعى, STEAM باعىتى, ۇلتتىق قۇندىلىقتار, جاراتىلىستانۋ جانە الەۋمەتتىك باعىتتاردى قامتىدى. قوناقتار وقۋشىلاردىڭ زەرتتەۋشىلىك داعدىلارىنا, شىعارماشىلىق ىزدەنىستەرىنە جانە جوبالاردى قورعاۋ دەڭگەيىنە وڭ پىكىر ءبىلدىردى.
ءۇشىنشى بولىمدە ءىس-شاراعا قاتىسقان قوناقتاردان كەرى بايلانىس الىندى. ادىستەمەلىك ورتالىق ماماندارى مەكتەپتەگى جوبالىق جۇمىستاردىڭ جۇيەلى ۇيىمداستىرىلعانىن اتاپ ءوتىپ, وقۋشىلاردىڭ فۋنكتسيونالدىق ساۋاتتىلىعىن دامىتۋعا باعىتتالعان جۇمىستارعا جوعارى باعا بەردى. اتا-انالار تاراپىنان دا ءىس-شارانىڭ مازمۇنىنا, وقۋشىلاردىڭ بەلسەندىلىگىنە جانە مەكتەپتىڭ شىعارماشىلىق ورتاسىنا قاتىستى وڭ پىكىرلەر ايتىلدى.
«119 جوبا, 119 مۇمكىندىك – ءبىر بولاشاق» اتتى ۇزدىك تاجىريبە الاڭى مەكتەپتىڭ ءبىلىم بەرۋ مەن تاربيە باعىتىنداعى جۇيەلى جۇمىسىنىڭ ناتيجەسىن كورسەتكەن ماڭىزدى ءىس-شارا بولدى. ءىس-شارا وقۋشىلاردىڭ عىلىمي ىزدەنىسىن, شىعارماشىلىق قابىلەتىن دامىتۋعا, اتا-انا مەن مەكتەپ اراسىنداعى ىنتىماقتاستىقتى نىعايتۋعا جانە پەداگوگتەردىڭ تاجىريبە الماسۋىنا ءتيىمدى مۇمكىندىك بەردى.
