استانا. 14 مامىر. پاۆلودار وبلىسى اقتوعاي اۋدانىنداعى شۇعا اۋىلىندا ۇلى وتان سوعىسىنداعى جەڭىستىڭ 70 جىلدىعىنا ارنالعان ەسكەرتكىش اشىلدى. بۇل تۋرالى egemen.kz ءتىلشىسى حابارلادى.
ەسكەرتكىشتى ورناتۋعا اۋىل ازاماتتارى ءبىر كىسىدەي اسارعا كەلىپ كومەكتەستى. ونىڭ اشىلۋ سالتاناتىنان كەيىن حاسەن شاياحمەت اتىنداعى مەكتەپ مۇعالىمدەرى, وقۋشىلارى بەلسەندىلىك كورسەتتى. كونتسەرتتىك باعدارلاما ازىرلەدى. اۋىلدا قازاق بولعان جاۋىنگەر اتا-بابالارىنا اس بەرىلدى.
ەسكەرتكىشتىڭ اشىلۋىنا قاتىسقان ەلەۋسىز راقىمجانقىزىنىڭ ايتۋىنشا, اۋدان ورتالىعىنان شالعايداعى شۇعا اۋىلىنا جينالعان اۋىلدىقتار جەڭىستىڭ 70 جىلدىعىنا جاقسى دايىندالىپ, ونى لايىقتى دەڭگەيدە مەرەكەلەدى. «ەر ەسىمىن – ەل ساقتار» – دەگەن. «جەڭىس»!, «جەڭىس!», «جەڭىس»! – دەگەن حاباردىڭ جەتكەنىنە, مىنە, 70 جىل. ءبىز اۋىل ازاماتتارىنا ريزامىز. ءبارى ءبىر كىسىدەي ەسكەرتكىشتى ورناتۋعا اتسالىستى. سالتاناتتى راسىمدە نىعي اقساقال مەن تىل ارداگەرى ۋاليحان توحتىباي ءسوز سويلەدى. «ەرلىككە تاعزىم» تاقىرىبىندا مەكتەپ وقۋشىلارى, كىشكەنتاي اۋىل بالالارى دا قوسىلىپ ۆەلوجورىققا شىقتى. ەندى كەلەسى جىلى تىل ارداگەرلەرىنە دە مەموريالدى تاقتا ورناتىلادى», دەدى ول.
داستان كەنجالين.
دەرەك, سۋرەت: egemen.kz
