سمارتفوندارعا ارنالعان Gennady Golovkin قوسىمشاسى ىسكە قوسىلدى

استانا. 14 مامىر. قازاقستاننىڭ بەلگىلى كاسىپقوي بوكشىسى گەننادي گولوۆكيننىڭ GGG Promotions پروموۋتەرلىك كومپانياسى iOS جانە Android وپەراتسيالىق جۇيەلەرىندەگى سمارتفوندار ءۇشىن Gennady Golovkin قوسىمشاسىن ىسكە قوستى. بۇل تۋرالى بوكسشىنىڭ رەسمي سايتى gggboxing.com حابارلادى. قوسىمشا بوكسشىنىڭ جانكۇيەرلەرىنە ارنالعان. ول جەردە گولوۆكيننىڭ الەۋمەتتىك جەلىلەردەگى بارلىق رەسمي پاراقشالارى جيناقتالعان. سونداي-اق, جانكۇيەرلەر قوسىمشا ارقىلى سوڭعى جاڭالىقتاردى ءبىلىپ قانا قويماي, بوكسشىنىڭ سيرەك كەزدەسەتىن سۋرەتتەرىن كورە الادى. ودان بولەك, ماتىندىك, دىبىستىق جانە ۆيدەو حابارلاما جىبەرۋگە مۇمكىندىك بار. ازىرگە جاڭا قوسىمشا ءۇش تىلدە جۇمىس ىستەيدى. ولار: قازاق, ورىس جانە اعىلشىن تىلدەرى. الداعى ۋاقىتتا يسپان تىلىندە دە قىزمەت كورسەتەدى دەپ كۇتىلۋدە. «جاڭا گادجەتتى App Store جانە Google Play ارقىلى تەگىن جۇكتەپ الۋعا بولادى. گەنناديدىڭ الەم بويىنشا جانكۇيەرلەرى وتە كوپ. سوندىقتان بۇل قىزمەت ءتۇرى بوكسشىنىڭ ءومىرى تۋرالى از ۋاقىتتا ءبىر جەردەن كوپ مالىمەتتەر الۋعا مۇمكىندىك بەرەدى دەپ سەنەمىز», – دەيدى گولوۆكيننىڭ مەنەدجەرى ولەگ گەرمان. گادجەت وزگە قوسىمشالار ءتارىزدى تۇراقتى جاڭارىپ, جەتىلدىرىلىپ وتىرادى. GGG App قوسىمشاسى گەرمانيانىڭ Bside-Me GmbH كومپانياسىمەن بىرلەسىپ جاسالعان. ايتا كەتەيىك, داڭقتى بوكسشىمىز 17 مامىر كۇنى تاڭدا اقش-تا ۆيللي مونروعا قارسى كەزەكتى جەكپە-جەگىن وتكىزەدى. ەلامان قوڭىر. دەرەك, سۋرەت: gggboxing.com.