پەتروپاۆل پوليتسەيلەرى ءىرى مولشەردەگى ەسىرتكى زاتتارىن اشكەرەلەدى

پەتروپاۆل. 14 مامىر. قالادا ءتارتىپ ساقشىلارى جەدەل تۇسكەن اقپارات بويىنشا ءىز كەسىپ, ءىرى كولەمدەگى ەسىرتكى زاتتارىن ساتپاق بولعان كۇدىكتىنى قولعا ءتۇسىردى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتى حابارلادى. تاپاتال تۇستە قالانىڭ قاق ورتاسىندا قۇرىقتالعان 27 جاستاعى ەسىرتكى ساۋدالاۋشى قوعامدىق پايدالى ەڭبەكپەن اينالىسۋدىڭ ورنىنا جەڭىل پايدا تاپپاق بولعان.  قازىر ول تەرگەۋ وقشاۋلاعىشقا قامالىپ, قىلمىستىق ءىس قوزعالدى. كىناسى دالەلدەنسە, 10 جىلدان 15 جىلعا دەيىن باس بوستاندىعىنان ايرىلۋى ىقتيمال. «ەسىرتكى بيزنەسىمەن كۇرەس ءبولىمىنىڭ قىزمەتكەرلەرى جىل باسىنان بەرى 10 كيلو ەسىرتكى زاتتارىن تاركىلەدى. ەسىرتكىگە تاۋەلدى 649 ادام ەسەپتە تۇر», دەيدى قالالىق ءىىب-نىڭ باسشىسى قايرات ورازالين. ءومىر ەسقالي. دەرەك, سۋرەت: سولتۇستىك قازاقستان وبلىستىق ىشكى ىستەر دەپارتامەنتىنىڭ ءباسپاسوز قىزمەتى.