اتىراۋدا كوپ سەريالى فيلم ءتۇسىرىلدى

اتىراۋ. 14 مامىر. اتىراۋ وبلىسىندا «ءومىرزايا» دەپ اتالاتىن 5 سەريالى فيلم ءتۇسىرىلدى. بۇل تۋرالى egemen.kz ءتىلشىسى حابارلادى. ءفيلمنىڭ قويۋشى رەجيسسەرى مىندەتىن «قازاقستان-اتىراۋ» تەلەارناسىنىڭ ديرەكتورى اسقار ءاشىموۆ اتقارسا, ستسەناريىن وسى ۇجىمداعى جاس جۋرناليست نۇربەرگەن ماقىم جازعان. ال باستى رولدەردە ماحامبەت اتىنداعى دراما تەاترىنىڭ اكتەرلارى ءسابيت قوجابەكوۆ, قانات ىزەت, التىنبەك قۇرمانوۆ جانە قاليبەك قۋانىشباەۆ اتىنداعى اكادەميالىق مۋزىكالىق دراما تەاترىنىڭ اكتەرى نارتاي سارسەنباەۆ وينادى. اتىراۋ قالاسىندا جانە ماحامبەت اۋدانى اۋماعىندا تۇسىرىلگەن ءفيلمنىڭ ءار سەرياسىنىڭ ۇزاقتىعى – 45 مينۋت. وبلىستىق ءدىن ىستەرى باسقارماسىنىڭ مەملەكەتتىك تاپسىرىسىمەن تۇسىرىلگەن كينوتۋىندىدا جاستاردى ءداستۇرلى ەمەس اعىمدارعا تارتىپ, ەكسترەميستىك پيعىلداعى توپتارعا الداپ شاقىرۋشىلاردىڭ بەينەسى اشكەرەلەنەدى. ءفيلمنىڭ بيۋدجەتى 10 ملن. تەڭگەنى قۇراعان. جولداسبەك شوپەعۇل. دەرەك, سۋرەت: egemen.kz.