فوتو: اشىق دەرەككوز
قوعامدىق دامۋ ينستيتۋتىنىڭ (ققدي) دەرەكتەرىنە سۇيەنسەك, 2020-2024 جىلدار ارالىعىندا وتباسى ۇعىمى وتانداستار ءۇشىن نەگىزگى قۇندىلىقتاردىڭ ءبىرى رەتىندە ماڭىزىن جوعالتپاعان. 2020 جىلى رەسپوندەنتتەردىڭ 92,4%-ى وتباسىن وتە ماڭىزدى دەپ باعالاسا, 2022 جىلى بۇل كورسەتكىش 93,5%-عا دەيىن وسكەن.
سونداي-اق, وتباسىلىق ومىرگە قاناعاتتانۋ دەڭگەيى دە جوعارى كورسەتكىشكە يە بولعان. 2022 جىلعى ساۋالناما ناتيجەسىندە رەسپوندەنتتەردىڭ 95,4%-ى ءوز وتباسىلىق ومىرىنە قاناعاتتاناتىنىن بىلدىرگەن. 2024 جىلعى دەرەكتەر دە وسى ءۇردىستىڭ ساقتالىپ, 90-95% ارالىعىندا قالىپتاسقان.
«900 مىڭ تەڭگە وتباسىما جەتپەيدى»: دەپۋتات باقىتجان بازاربەك اي سايىنعى جالاقى ازدىق ەتەتىنىن ايتتى
وتباسى تۋرالى تۇسىنىكتەر مازمۇنى جاعىنان دا ايتارلىقتاي تۇراقتى. 2024 جىلعى زەرتتەۋ بويىنشا رەسپوندەنتتەردىڭ باسىم بولىگى وتباسىنى باقىت, ماحاببات (44,9%), ۇعىمدارىمەن بايلانىستىرعان. بۇدان كەيىنگى كەزەكتە نەكە ۇرپاق جالعاستىرۋ (41,7%) جانە ءومىردىڭ ءمانى (40,7%) رەتىندە سيپاتتالعان.
بۇدان بولەك, رەسپوندەنتتەردىڭ 58,5%-ى نەكەنى وتباسى قۇرۋعا باعىتتالعان وداق دەپ ەسەپتەيدى. ال 18,7%-ى ونى قارىم-قاتىناستى زاڭداستىرۋ رەتىندە قاراستىرسا, 10,6%-ى ورتاق تۇرمىس پەن ورتاق بيۋدجەت رەتىندە قابىلدايدى.
«مەرەيلى وتباسى» ۇلتتىق كونكۋرسىنا ءوتىنىم قابىلداۋ باستالدى
ايتا كەتەيىك, بۇگىن, 15 مامىر ەلىمىزدە حالىقارالىق وتباسى كۇنى اتالىپ وتەدى. مەرەكە قارساڭىندا پرەمەر-ءمينيستردىڭ ورىنباسارى – مادەنيەت جانە اقپارات ءمينيسترى ايدا بالاەۆا ەل ازاماتتارىن حالىقارالىق وتباسى كۇنىمەن قۇتتىقتاعان بولاتىن.
