كورول الەم كۋبوگى ءتاجىن “كيدى”

افريكادا ءبىر اي بويى كۇندىز-ءتۇنى جالعاسقان فۋتبول تويى تارقادى. الەم چەمپيوناتىنىڭ سوڭعى ماتچىندا گوللانديا قۇراماسىمەن كەزدەسىپ, جەڭىسكە جەتكەن “فۋري روحي” (“قىزىل فۋريا”) كومانداسى تۇڭعىش رەت الەم كۋبوگىن الاقانىنا ايالاعان كۇيى پيرەنەي تۇبەگىنە اتتاندى. وسى كۇنى ۆيسەنتە دەل بوسكە باستاعان يسپانيا قۇراماسى ءبىراز تىنىعىپ, الەم چەمپيونى اتاعىن بويلارىنا ءسىڭىرىپ العاننان كەيىن ءمادريدتىڭ “باراحەس” اۋەجايىنا بەت الدى. بۇل جەر الەم چەمپيون­دارىن قارسى الۋعا جان-جاقتى دايىندالعانى بىردەن كوزگە ۇرادى. ينتەرنەت-سايتتاردا يسپاننىڭ فۋت­بول قاھارماندارىن قارسى الۋ ءرا­سىمىنە كۋا بولعان جانكۇيەرلەر­دىڭ پىكىرىنە قاراعاندا, اۋەجايعا قاۋ­مالاعان جۇرتشىلىقتىڭ جي­نال­­عا­نى سونشالىق, ولار وتان­داس­تارىن ءتىپتى فۋتبولشىلار مىنگەن ۇشاقتىڭ دۆيگاتەلىنىڭ دىبىسىن ون وراپ كەتەتىندەي جاعدايدا قۋا­نىشتارى قويىندارىنا سىيماي قارسى الىپ­تى. ال ۇشاقتىڭ وزىندە “چەم­پيون­دار” جانە ء“بىز ۇلتتىق قۇرامامەن ارقاشان ماقتانامىز” دەگەن ۇراندار جازۋلى بولعان ەكەن. ءسويتىپ, يسپانيا قۇراماسىن اۋەجايدان قارسى الۋ ءراسىمى اياق­تال­عان سوڭ كوماندانىڭ بارلىق ءمۇ­شە­سى كورول حۋان كارلوس ءى مەن ونىڭ زايىبى سوفيانىڭ قابىل­داۋىندا بولدى. وسى جەردە كو­رول سال­تا­ن­ات­تى تۇردە ۇلتتىق قۇ­راما­نى تاما­شا جەڭىسىمەن قۇت­تىقتاپ, ءسوز سويلەدى. “يسپانيا بارلىق ەلدەر ءۇشىن, اسىرەسە بو­لاشاق ۇرپاق ءۇشىن ناعىز ەرلىكتىڭ ۇلگىسىن كورسەتتى. ءبىزدىڭ جىگىتتەر يسپانيا حالقىن بىرىكتىرىپ, ار­ما­نىمىزدىڭ ورىن­دا­لۋى­نا قوماقتى ۇلەس قوستى. ءسىز­دەردىڭ بارلىق­تارىڭىزعا يسپا­نيا حالقى اتىنان العىسىمدى بىلدىرە وتىرىپ, ءبىزدىڭ قۇراما قۇرمەت تۇ­عى­رىنىڭ ەڭ بيىك ساتىلارىنان كورى­نە­تىنىنە ارقا­شاندا سەنىمدىمىن”, – دەگەن پىكى­رىن ءبىلدىردى. سالتاناتتى راسىمدە  كوماندا كاپيتانى يكەر كاسيلياس مونارحقا ءوزىنىڭ اتى جا­زىلعان ۇلتتىق قۇرامانىڭ جەيدەسى مەن ۋاقىتشا بولسا دا ۇستاپ تۇرۋعا الەم كۋبوگىن تابىس ەتتى. وسىدان كەيىن الەم چەمپيوندارى پرە­مەر-مينيستر حوسە لۋيس رودري­گەس ساپاتەرونىڭ قابىلداۋىندا بولدى. كەزدەسۋدە جىلى لەبىزدەر ايتىلدى. سونىڭ بىرىندە ۇكىمەت باسشىسى ۇلتتىق قۇراما­نىڭ في­نال­دا جەڭىسكە جەتكەنىندە كوڭىلى بو­ساعانىن جاسىرمادى. كەزدەسۋدەن سوڭ يسپانيا قۇراماسى پرەمەر-ءمينيستردىڭ رەزيدەنتسيا­سىنان باس­تاپ ءمادريدتىڭ بارلىق كوشەلەرىن اۆتوبۋستىڭ ۇستىنە شى­عىپ ارالادى. ولاردى كوشەنىڭ بويىندا ميل­ليونداعان حالىق دۋ-قول شاپا­لاق­پەن شىعارىپ سالىپ وتىردى. كەي­بىر دەرەكتەرگە قارا­عان­دا, سول كۇنى وتانداستارىنا قۇر­مەت كورسەتكەن جانكۇيەرلەر سانى 1 ميلليوننان اسىپ جىعىلىپتى. وسى كۇنى مادريدتەن باسقا  يسپا­نيانىڭ بارسەلونا, ۆالەنسيا, سەۆيليا مەن باسقا دا قالالارىندا الەم چەم­پيون­دارىنا قۇرمەت كورسەتىلىپ, ءتۇنى بويى وت شاشۋلار شاشىلىپ, ءبىر اي بويى افريكادا بولعان فۋتبول تويى ودان ءارى جالعاستى. وسى كەزدە الەم چەمپيونا­تى­نىڭ كۇمىس جۇلدەگەرلەرى گوللانديا قۇراماسىن دا جانكۇيەرلەرى لاي­ىق­­تى دەڭگەيدە قارسى الدى. ولار­دى امستەردامنىڭ حالىقارالىق اۋە­جايى­نان تۇسكەن بويدا جۇزدە­گەن جەر­گىلىكتى جانكۇيەرلەر قارسى الىپ, گۇل شوقتارىن بەرىپ, جا­رىستا جاقسى ونەر كورسەتكەندەرىن ايتتى. وندا كوماندا اتىنان ءسوز ءسوي­لەگەن باس باپكەر قۇراما­نىڭ جە­ڭىسكە جەتۋى ءۇشىن قولدا بار جاع­دايدىڭ ءبارىن جاساعانىن اتاپ كور­سەتتى. دەگەنمەن, ويىنشى­لار­دىڭ گوللانديا قۇراماسىنىڭ وسى­مەن ءۇشىنشى رەت الەم چەمپيونى اتانا الماي, تاعى دا كۇمىس جۇلدەنى قانا­عات تۇتقانىنا جاندارى باتىپ تۇر­عا­نى جۇزدەرىنەن كورىنىپ تۇردى. گوللانديانىڭ حاۆبەگى ۋەسلي سنەي­­دەر فينالدان سوڭ, تورەشى­لەر­دىڭ جۇمىسىن تەرىس باعا­لايتىنىن, ول بۇكىل الەمگە ۇيات بولدى دەپ, ين­ەس­تا­نىڭ گولى وف­فسايد­تان سوعىل­عانىن, ويىننىڭ سو­ڭىندا تورە­شىنىڭ يسپا­نياعا قاراي بۇرىشتاما دوپ بەرۋ­دىڭ ور­نىنا دوپتى قار­سى­لاس­تارىنا ادەيى بەرە سال­عا­نىنا نارازى­لىق ءبىلدىر­گەن بولسا, في­نالدا ەكى تاماشا ءمۇم­كىندىكتى جىبە­رىپ العان ارەن روببەن كاسيلياس­پەن ەكىنشى رەت بەتپە-بەت كەل­گەنىندە ونى كارلەس پۋيول جەيدەسىنەن تار­تىپ قۇلاتقانىن, ال ءبىرىنشى ءمۇم­كىن­دىك­تى ول ءوزىنىڭ كىناسىنەن جىبەرىپ ال­عانىن ايتقان بولاتىن. ءسوز ورايى چەمپيوناتتىڭ اقتىق ايقاسىنا كە­لىپ تۇرعاندا اندرەس ينەس­تا­نىڭ گوللانديا قاق­پاسىنا سوققان دو­بىن اكە-شەشەسىنىڭ كورە الما­عا­نىن اتاپ وتكەنىمىز ار­تىق ەتپەس دەپ ويلايمىز. ونىڭ اكەسى يس­پا­نيانىڭ بارلىق ويىندارىن كور­مە­گەنىن ايتسا, شەشەسى فۋەي­تەال­بيلي دەگەن اندرەس ينەستا تۋعان قالاداعى كافە-بارلاردىڭ بىرىندە گوللان­ديانىڭ ۇلىنا قارسى ء“دو­رەكى” ويىندارىن قاراي الماي, بىرنەشە سەكونتكە سىرتقا شىعىپ كەت­كەنىندە بالاسىنىڭ سوققان گولىن جىبەرىپ الىپتى. ال ينەس­تانىڭ ءوزى فينالدا سوققان وسى دوبىن ءوزىنىڭ وتكەن جىلى قايتىس بولىپ كەتكەن دوسى, “ەسپانول” كومان­داسىندا ونەر كورسەتكەن داني حاركەگە ارناعانى بەلگىلى. ەندى يسپانيا كەلەسى ويىنىن ارگەنتينا قۇراماسىمەن وتكىزەدى. وسى جىلدىڭ 7 قىركۇيەگىندە نيۋ-يورك قالاسىندا وتەتىن جول­داستىق ماتچتا “قىزىل فۋريا” “ال­بيسە­لەس­تانى” تاعى دا جە­ڭەتىنى­نە سەنىمدى. ەستەرىڭىزگە سالا كەتسەك, قوس كومان­دانىڭ اراسىندا بولعان ال­عاشقى ويىن 2:1 ەسەبىمەن يسپان­داردىڭ پايداسىنا شەشىلگەن بو­لا­تىن. ال مارادونانىڭ قۇراماسىنا كەلەتىن بولساق, ولار كەلەسى ويى­نىن 11 تا­مىز كۇنى يرلاندياعا قار­سى ءوت­كىزەدى. قازىر ارگەنتي­نا­نىڭ فۋتبول اسسو­تسياتسياسى ديەگو ارماندو مارا­دو­نامەن تاعى دا ءتورت جىلعا كەلى­سىم-شارتتى ۇزار­تۋدى جوسپار­لاۋدا. افا پرەزي­دەن­تى حۋليو گروندو­نا­نىڭ ايتۋىنشا, مارادونا سياقتى عاسىردا ءبىر تۋا­تىن عاجاپ ويىنشى­نى وتانداس­تا­رى باپكەر رەتىندە دە باعالاپ, ءار­قاشان ونىمەن ماقتا­نىپ جۇرەتىن بولادى. ەندى الەم چەمپيوناتىنا قا­تىس­تى تاعى ءبىر دەرەك كەلتىرسەك, بيىلعى دودا ەڭ كوپ ويىن ەرەجەسى بۇزىلعان جارىس بولىپ وتىر. مۇندا جاپونيانىڭ  ويىنشىسى كەيسۋكە حوندا 19 رەت ەرەجە بۇزسا, گوللانديالىق مارك ۆان بوممەل مەن يسپان سەرحيو راموس 17 رەت ويىن ەرەجەسىنە قاراماعان بولىپ شىقتى. جالپى چەمپيوناتتا 261 رەت ويىن ەرەجەسى بۇزىلىپتى. سوڭ­عى جارىستارمەن سالىستىرساق, 2006 جىلى گەرمانيادا وتكەن دودادا 346 رەت ويىن ەرەجەسى بۇ­زى­لىپ, فۋت­بولشىلارعا 26 رەت قى­زىل قاعاز كور­سەتىلىپتى. ال بيىلعى چەمپيو­ناتتا تورەشىلەر ويىنشى­لار­عا 17 رەت قالتاسىنان قىزىل قا­عاز الىپ شىققان ەكەن. تاعى ءبىر اتاپ وتەتىن نارسە, وسى جىلعى جا­رىستا 145 دوپ سوعىلسا, 2006 جىلى قاقپاشىلار قاقپادان – 147 رەت, 2002 جىلى – 161 رەت, 1998 جىلى – 171 رەت دوپ­تى الىپ شىققان. داستان كەنجالين. باسەكەنىڭ بيۋدجەتى جۇمسالعان جەرلەرى          كولەمى (اقش دوللارىمەن.) كولىك      1,2 ملرد. ستاديوندار          1,12 ملرد. ۇيىمداستىرۋ كوميتەتى    428 ملن. تىكەلەي كورسەتىلىم             387 ملن. اۋەجاي, ۆوكزال   200 ملن. قاۋىپسىزدىك           89 ملن. تەلەكوممۋنيكاتسيالار    40 ملن. مادەني شارالار               20 ملن. ەرىكتىلەردى دايىنداۋ        3 ملن. فۋتبولعا قاتىستى باسقا جوبالار    45 ملن. بارلىعى               3,5 ملرد. مۋنديال تەرميندەرىنىڭ ماعىناسى بافانا-بافانا – جەرگىلىكتى جان­كۇيەر­­لەردىڭ اتايتىن وار قۇراما­سى­نىڭ اتاۋى. “بافانا” – زۋلۋس تىلىندە “جىگىت­تەر” دەگەن ماعىنانى بىلدىرەدى. سوندا “با­فانا” زۋلۋسشا ەكى رەت قايتالانسا “مىقتى جىگىتتەر” دەگەن ماعىنانى بەرەدى ەكەن. “ۆاكا-ۆاكا” – اعىلشىن تىلىنەن اۋ­دارعاندا ءمۋنديالدىڭ رەسمي ءانىنىڭ اتاۋى. اعىلشىن تىلىندە ول ء“Thىs ءtىme for ءAfrىca” (“افريكا ۋاقىتى”) دەپ اتالادى. ۆۋۆۋزەلا – افريكالىقتاردىڭ فۋت­­بولعا اپاراتىن ءبىر مەترلىك ۇلتتىق اسپا­بى. ول ىزىڭ شىعارىپ, الاڭ يە­لە­رىنە قارسى ويناپ جاتقان كومان­دا­نىڭ ىزاسىن شىعارۋ ءۇشىن ارنالعان با دەيسىز. قازىر وسى ۇلكەن سىبىزعىنى الەم­نىڭ بار­لىق جەرىندەگى جانكۇيەر­لەر ساتىپ الىپ جاتقان كورىنەدى. ونىڭ كوبىن ۇلىبريتانيانىڭ جانكۇيەرلەرى ين­تەر­نەت ارقىلى ساتىپ الۋدا دەگەن دەرەك بار. دجابۋلاني – چەمپيوناتتىڭ رەس­مي دوبىنىڭ اتاۋى. زۋلۋس تىلىندە ول “مەرەكەلەۋ”, “تويلاۋ” دەگەن ماعىنا بەرەدى. سوندا قاقپاشىلاردىڭ وسى دوپتى ۇستاعانىنىڭ ءوزى مەرەكە بولادى ەكەن عوي دەگەن وي كەلەدى. زاكۋمي – لەوپارد بەلگىلەنگەن ءتۋرنيردىڭ تاليسمانى. ماكاراپا – جانكۇيەرلەردىڭ شاحتەرلەردىڭ كاسكاسىنا ۇقساس باس كيىمى. ول “جۇمىسشى ميگرانت” دەگەن ماعىنا بەرەدى. كەزىندە جانكۇيەرلەر ءبىر-بىرىنە ىدىس جانە باسقا دا زاتتار لاقتىرعاندا قورعانۋ ءۇشىن كاسكا كيىپ, فۋتبولعا باراتىن بولعان دەسەدى. سول كەزدە كەيبىر فاناتتار ونى ءتۇرلى-ءتۇستى بوياۋعا بوياپ, سۋرەت سالىپ, ويۋ-ورنەكتەرمەن ورنەكتەگەندى ءجون كورىپتى. سودان ماكاراپا شىعىپتى. سوۋەتو – يوحاننەسبۋرگتىڭ ءۇش قاۋىپتى اۋدانىنىڭ ءبىرى. مۇندا جۇرگەن ادام ءتالتۇستىڭ وزىندە دە قالتاسىنان قاعىلۋى ابدەن مۇمكىن.