فوتو: istockphoto.com
ۆيتسە-مينيستر 2022-2025 جىلدارى كومپانيا مەن باسقا دا ءىرى كاسىپورىنداردىڭ قىزمەتى پروفيلاكتيكالىق باقىلاۋ اياسىندا تەكسەرىلگەنىن اتاپ ءوتتى.
«نۇسقامالار مەرزىمىندە ورىندالدى جانە مەنىڭ بىلۋىمشە, ءبىز ەشقانداي ايىپپۇل سالعان جوقپىز. بىراق وسى جاعدايعا بايلانىستى جەدەل-تەرگەۋ توبى قۇرىلدى. مەملەكەتتىك ەڭبەك ينسپەكتسياسى دەپارتامەنتى تجم-مەن بىرگە باردى. ءبىز قازىر اپاتتىڭ ناقتى شىعۋ سەبەبىن جانە وعان كىنالىنى انىقتاپ جاتىرمىز. قاۋىپسىزدىك تەحنيكاسىن ساقتاماۋ, ادامدى قاۋىپسىزدىك تەحنيكاسىمەن تانىستىرماۋ, كاسىپورىنداعى تەحنولوگيالىق اقاۋلار نەمەسە ەسكىرگەن جابدىقتى ولار وزگەرتپەگەن بولۋى مۇمكىن», دەدى ە. تۇياقباەۆ سەناتتا وتكەن بريفينگ بارىسىندا.
ءبىرىنشى ۆيتسە-مينيستر اپات ءۇشىن جاۋاپكەرشىلىك مىندەتتى تۇردە بولاتىنىن ايتتى.
ەستەرىڭىزگە سالامىز, 5 مامىر كۇنى تاڭەرتەڭ كاسىپورىن اۋماعىندا شاڭ ۇستاعىش قۇرىلعى جارىلدى. قۇرىلىمداردىڭ ءبىر بولىگى قۇلاپ, ءورت شىقتى. وقيعا سالدارىنان سول كۇنى ەكى ادام قازا تاپتى. زارداپ شەككەندەردىڭ بەسەۋى اۋرۋحاناعا جەتكىزىلدى. 12 مامىردا جاراقات العان تاعى ءبىر جۇمىسشى اۋرۋحانادا قايتىس بولدى.
وسكەمەندە اۋا ساپاسى تەكسەرىلىپ جاتىر: ءوڭىر تۇرعىندارىنا وتەماقى تولەنە مە؟
پرەمەر-مينيستر جاعدايدى جەكە باقىلاۋعا الىپ, تجم, ەكولوگيا مينيسترلىگى مەن شىعىس قازاقستان وبلىسىنىڭ اكىمدىگىنە جەدەل شارالار قابىلداۋدى تاپسىردى. پوليتسيا قىلمىستىق ءىس قوزعادى.
