جاڭا تەحنولوگيا قان قۇيۋ پروتسەسىنىڭ قاۋىپسىزدىگىن ارتتىرىپ, ادام فاكتورى اسەرىنەن بولاتىن قاتەلىكتەردى ازايتۋعا باعىتتالعان جۇيەگە سايكەس, قان كومپونەنتتەرىنىڭ جاپسىرمالارىنا QR-كودتار ەنگىزىلەدى. مەديتسينالىق قىزمەتكەر كودتى سكانەرلەگەن كەزدە قان ءونىمى تۋرالى تولىق اقپاراتقا قول جەتكىزە الادى.
«تسيفرلىق كومەكشى مەديتسينالىق ماماندارعا كلينيكالىق جاعدايلاردا جىلدامىراق باعدار الۋعا, ءار قان كومپونەنتى بويىنشا كەڭەيتىلگەن اقپارات الۋعا مۇمكىندىك بەرەدى. ونىڭ ىشىندە كورسەتىلىمدەر, شەكتەۋلەر جانە ءارتۇرلى كلينيكالىق جاعدايلاردا قولدانۋ بويىنشا ۇسىنىستار بار», دەلىنگەن حابارلامادا.
مينيسترلىك وكىلدەرىنىڭ ايتۋىنشا, جۇيە ارقىلى زەرتحانالىق تالداۋ ناتيجەلەرى, قان كومپونەنتىنىڭ سيپاتتاماسى, ساقتاۋ شارتتارى, قولدانۋ ەرەكشەلىكتەرى جانە كلينيكالىق ۇسىنىستار كورسەتىلەدى.
ەسكە سالا كەتەيىك, بۇعان دەيىن ۇلتتىق بانك 19 شىلدەدەن باستاپ بارلىق بانكتەر بىرىڭعاي QR-تولەمدەر جۇيەسىنە قوسىلاتىندىعىن مالىمدەگەن ەدى.
