سولتۇستىكقازاقستاندىق بوكسشى بولگاريادان جەڭىسپەن ورالدى

پەتروپاۆل. 14 مامىر. سولتۇستىكقازاقستاندىق سپورت جانكۇيەرلەرى جەرلەسى, بەلگىلى كاسىپقوي بوكسشى جانات جاقيانوۆتى تەمىرجول ۆوكزالىندا زور قوشەمەتپەن قارسى الدى. بۇل تۋرالى وبلىستىق دەنە شىنىقتىرۋ جانە سپورت باسقارماسىنىڭ ءباسپاسوز قىزمەتى حابارلادى. 31 جاستاعى ەگىزدىڭ سىڭارى جانات كاسىپقوي بوكسپەن شۇعىلدانعانننان بەرى 26 كەزدەسۋ وتكىزىپ, 25-ىندە جەڭىسكە جەتتى. 18 قارسىلاسىن نوكاۋتقا جىبەردى. بولگاريادا WBA International تيتۋلى ءۇشىن ايقاستا جەڭىل سالماقتا ارگەنتينالىق حەكتور رولاندو گۋسمانمەن قولعاپ ءتۇيىستىرىپ, التىنشى راۋندتا گۇرزى جۇدىرىعىمەن سۇلاتىپ سالدى.  سويتىپ, كەزەكتى جەڭىسىن تويلادى. بۇعان قوسا ونىڭ جەڭىل سالماق بويىنشا EBU, WBC Eurasia Pacific Boxing Council بەلگىلەرى بويىنشا ەۋروپا چەمپيونى اتاقتارى بار. WBC جانە WBA رەيتينگتەرى بويىنشا الدىڭعى ورىنداردا تۇر. «قارسىلاسىمنىڭ ەكپىندى شابۋىلىنان-اق جارىسقا جاقسى دايىندالعانىن اڭعاردىم. ەكىنشى راۋندتا كۇشتى سوققىسىن وتكىزىپ, نوكداۋنعا ءتۇسىپ قالدىم. ەسىمدى تەز جيىپ, ۇرىس تىزگىنىن قولىما الدىم. وسال تۇسىن تاۋىپ, نوكاۋتقا ءتۇسىردىم. كۇزگە تامان الەم چەمپيونى ءتاجى ءۇشىن شارشى الاڭعا شىعۋدى جوسپارلاپ وتىرمىن. WBC بەلگىسى بويىنشاا جاپوندىق شينسۋكە ياماناكي بولماسا بريتاندىق دجەيمس ماكدونالدسپەن جۇدىرىقتاسىپ قالۋىم مۇمكىن. قازىر پروموۋتەرلەر كەلىسسىوزدەر جۇرگىزۋدە.  جۋىردا دۇنيەگە كەلگەن قىزىم نۇرايدىڭ جانىندا ءبىراز بولىپ, سوسىن كەزەكتى جاتتىعۋعا كىرىسەمىن», دەيدى WBA International بەلگىسىنىڭ جەڭىمپازى جانات جاقيانوۆ. ءومىر ەسقالي. دەرەك, سۋرەت: سولتۇستىك قازاقستان وبلىستىق دەنە شىنىقتىرۋ جانە سپورت باسقارماسى.