فوتو: kris.p.taraz
پوليتسيا مالىمەتىنشە, پاترۋلدىك قىزمەتكەرلەر جول ەرەجەسىن بۇزعان Audi كولىگىن توقتاتپاق بولعان. الايدا جۇرگىزۋشى پوليتسيانىڭ زاڭدى تالابىنا باعىنباي, قاشىپ كەتۋگە تىرىسقان. ول جول قوزعالىسى ەرەجەلەرىن ورەسكەل بۇزىپ, وزگە جۇرگىزۋشىلەرگە قاۋىپ توندىرگەن.
قۋعىن كەزىندە جۇرگىزۋشى كولىكتى باسقارا الماي, ەلەكتر جەلىسىنىڭ بەتون باعانىنا سوعىلعان. جول اپاتى سالدارىنان كولىكتەگى ءبىر جولاۋشى قازا تاپتى. تاعى ەكى ءجاسوسپىرىم جاراقات الدى.
كولىك توقتاتىلعاننان كەيىن رولدە 15 جاستاعى ءجاسوسپىرىم وتىرعانى انىقتالعان. ونىڭ جۇرگىزۋشى كۋالىگى بولماعان. ءجاسوسپىرىم اتا-اناسىمەن بىرگە پوليتسيا بولىمىنە جەتكىزىلدى.
قازىر وقيعانىڭ بارلىق ءمان-جايى انىقتالىپ جاتىر. سونداي-اق ءجاسوسپىرىمنىڭ كولىككە قالاي قول جەتكىزگەنى تەكسەرىلۋدە. تەرگەۋ اياسىندا كولىك يەسىنىڭ دە ارەكەتىنە قۇقىقتىق باعا بەرىلەدى.
پوليتسيا اتا-انالار بالالارىنا دۇرىس باقىلاۋ جاساۋعا مىندەتتى ەكەنىن ەسكە سالىپ, قۇقىق قورعاۋ ورگاندارىنىڭ تالابىنا باعىنباۋ اۋىر سالدارعا اكەلۋى مۇمكىن ەكەنىن ايتتى.
