جارلىقتىڭ نەگىزگى ماقساتى – جاساندى ينتەللەكتتىڭ قارقىندى دامۋى جاعدايىندا قازاقستان رەسپۋبليكاسىنىڭ ورنىقتى دامۋىن قامتاماسىز ەتۋ, سونداي-اق ادامي كاپيتالدى دامىتۋدىڭ نەگىزگى تەتىگى رەتىندە يننوۆاتسيالىق ءبىلىم بەرۋ جۇيەسىن قالىپتاستىرۋعا جاعداي جاساۋ.
جارلىققا سايكەس, 2026 جىلعى 1 شىلدەگە دەيىن ۇكىمەت 2026–2029 جىلدارعا ارنالعان جاساندى ينتەللەكتتى ورتا ءبىلىم بەرۋ جۇيەسىنە كەڭىنەن ەنگىزۋ جونىندەگى كەشەندى جوسپاردى بەكىتەدى. اتالعان جوسپار ءبىلىم بەرۋدى دارالاندىرۋ تەتىكتەرىن قۇرۋدى, تسيفرلىق ينفراقۇرىلىمدى دامىتۋدى, پەداگوگ كادرلاردى دايارلاۋدى جانە ءبىلىم الۋشىلاردىڭ دەربەس دەرەكتەرىن قورعاۋدى قامتيدى.
جارلىقتا جاساندى ينتەللەكتىنى دامىتۋ جونىندەگى كەڭەستىڭ مۇشەسى لي كاي-ءفۋدىڭ ۇسىنىمدارىن جۇمىس بارىسىندا قولدانۋ قاراستىرىلعان.
جاساندى ينتەللەكت وقۋ پروتسەسىنە ناقتى ەنگىزىلەتىن ءتيىمدى قۇرال رەتىندە شالعاي وڭىرلەردەگى وقۋشىلارعا ءىرى قالالارمەن بىردەي ءبىلىم الۋ مۇمكىندىكتەرىن كەڭەيتۋگە مۇمكىندىك بەرەدى.
بۇعان دەيىن پرەزيدەنتتىڭ توراعالىعىمەن جاساندى ينتەللەكتىنى دامىتۋ جونىندەگى كەڭەستىڭ ەكىنشى وتىرىسى وتكەن ەدى.
مەديتسينا سالاسىندا دا جاساندى ينتەللەكت قولدانۋ تۋرالى جاڭا نورماتيۆتىك قۇجات ازىرلەندى.
قاسىم-جومارت توقاەۆتىڭ توراعالىعىمەن وتكەن جاساندى ينتەللەكتىنى دامىتۋ جونىندەگى كەڭەستىڭ ەكىنشى وتىرىسىندا جاساندى ينتەللەكتىنى ونەركاسىپكە ەنگىزۋ ماسەلەسىن قاراستىرۋ ۇسىنىلدى
