قوستانايداعى قىرىلعان كيىكتەردىڭ سانى 1 مىڭعا جەتتى

قوستاناي. 14 مامىر. قوستاناي وبلىسىندا قىرىلعان كيىكتەردىڭ سانى ءبىر مىڭعا جەتتى. بۇل تۋرالى egemen.kz حابارلادى. وسىدان 11 مامىر كۇنى امانگەلدى اۋدانىنداعى جولابا دەگەن جەردەگى قىرىعان كيىكتەردىڭ سانى 117 بولاتىن. اۋىل شارۋاشىلىعى مينيسترلىگى ورمان شارۋاشىلىعى جانە جانۋارلار الەمى كوميتەتىنىڭ ينسپەكتورلارى بۇگىنگە دەيىن ولگەن كيىكتىڭ سانىن ءبىر مىڭعا جەتكەنىن مالىمدەدى. وسىعان دەيىن كيىكتەر كوتەرەمدىكتەن قىرىلىپ جاتىر دەگەن بولجام ايتىلعان ەدى. سوندا دا ماماندار توپىراقتىڭ, سۋدىڭ, بيولوگيالىق ماتەريالداردىڭ سىناماسىن الىپ تەكسەرۋدە. سونىمەن قاتار ولگەن كيىكتەردىڭ دە سىناماسى الىنىپ, رەسپۋبليكالىق لابوراتورياعا جىبەرىلدى. ونىڭ ساراپتامالىق قورىتىندىسى ءبىر اپتادان كەيىن دايىن بولاتىنى ايتىلدى. كيىكتەردىڭ قىرىلۋى 2012 جىلى دا ورىن العان بولاتىن. وندا 926 اقبوكەننىڭ قىرىلۋىنا پاستەرەللەز سەبەپ بولعان ەدى. اۋىل شارۋاشىلىعى مينيسترلىگىندەگى ماماندار كيىكتەردىڭ قىرىلۋى وسىدان ءۇش جىل بۇرىنعى كورىنىستى ەسكە سالاتىنىن ايتىپ وتىر.  وندا دا ۇزاق قىستان تەڭسەلىپ, كوتەرەم شىققان كيىكتىڭ ەشكىلەرى تولدەيتىن كەزدە جۇقپالى اۋرۋعا توتەپ بەرە الماعان بولاتىن. 2014 جىلعى ساناق بويىنشا قازاقستاندا اقبوكەننىڭ 256,7 مىڭ ەشكىسى بار. ءنازيرا جارىمبەتوۆا. دەرەك, سۋرەت: egemen.kz