فوتو: ەكولوگيا جانە تابيعي رەسۋرستار مينيسترلىگى (ارحيۆ)
24.kz مالىمەتىنشە, اۋقىمدى ەكولوگيالىق جوبانىڭ نەگىزگى ماقساتى – سەكسەۋىل ورماندارىن ساقتاۋ جانە قالپىنا كەلتىرۋ. قازىرگى تاڭدا سىر وڭىرىندەگى ورمان قورىنىڭ 83% سەكسەۋىل القاپتارىنا تيەسىلى. بۇل وسىمدىك ارال تەڭىزىنىڭ قۇرعاعان تابانىنان ۇشاتىن تۇزدى شاڭ مەن قۇم كوشكىنىنە تابيعي توسقاۋىل بولىپ, ەكوجۇيەنى قورعاۋدا ماڭىزدى ءرول اتقارادى.
سونىمەن قاتار, جاڭا رەزەرۆات عالىمدارعا ءوڭىردىڭ قاتال كليماتىنا بەيىمدەلگەن فلورا مەن فاۋنانى جۇيەلى تۇردە زەرتتەۋگە مۇمكىندىك بەرەدى.
تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى عالىمجان ەركەبايدىڭ ايتۋىنشا, ءاربىر سەكسەۋىل اعاشى كەمىندە 2,5-3 تونناعا دەيىن توپىراقتى ۇستاپ تۇرا الادى. بۇل توپىراقتىڭ كوشۋىن ازايتىپ, تۇزدانۋدى تومەندەتۋگە ىقپال ەتەدى. سونىمەن بىرگە فلورا مەن فاۋنانىڭ وزگەرۋىنە دە اسەر ەتەدى. 2021-2022 جىلدارى ەگىلگەن سەكسەۋىلدەر اراسىندا قۇلاندار مەن قويانداردىڭ ىزدەرى ءجيى كەزدەسىپ وتىر.
جاڭا رەزەرۆاتتىڭ قۇرىلۋى ەكوجۇيەنى ساقتاۋعا, شولەيتتەنۋگە قارسى كۇرەستى كۇشەيتۋگە جانە بيوالۋانتۇرلىلىكتى قورعاۋعا باعىتتالعان ماڭىزدى قادام بولماق.
