مەرەكە كۇندەرى حقكو-لار قالاي جۇمىس ىستەيدى؟

مەملەكەتتىك قىزمەت الۋدى جوسپارلاعان ازاماتتار مەرەكە كۇندەرىنە بايلانىستى كەلەسى كەستەنى ەسكەرۋى قاجەت:

1, 7 جانە 9 مامىر – ەلىمىزدەگى بارلىق حقكو-لار مەن مامانداندىرىلعان حقكو-لار, سونىڭ ىشىندە كەزەكشى ورتالىقتار ءۇشىن دە دەمالىس كۇنى. بۇل كۇندەرى ورتالىقتار قىزمەت كورسەتپەيدى.

2 جانە 11 مامىر كۇندەرى تەك قانا كەزەكشى ورتالىقتار جۇمىس ىستەيدى. ولاردىڭ جۇمىس ۋاقىتى شەكتەۋلى:

• جالپى حقكو-لار 9:00-دەن 13:00-گە دەيىن;

• مامانداندىرىلعان حقكو-لار: وتىنىشتەردى قابىلداۋ ساعات 12:00-گە دەيىن جۇرگىزىلەدى, ال دايىن قۇجاتتاردى ساعات 13:00-گە دەيىن الىپ كەتۋگە بولادى.

ەسكە سالا كەتەيىك, كەزەكشى حقكو-لار ادەتتەگىدەي سەنبى كۇندەرى دە (مەرەكە كۇندەرىنەن بولەك) ساعات 13:00-گە دەيىن جۇمىس ىستەيدى. قالعان كۇندەرى بارلىق ورتالىقتار ستاندارتتى جۇمىس كەستەسىنە (9:00-دەن 18:00-گە دەيىن) كوشەدى.

ازاماتتارعا ىڭعايلى بولۋ ءۇشىن مەملەكەتتىك قىزمەتتەردىڭ كوپشىلىگىن eGov.kz پورتالى, eGov Mobile قوسىمشاسى نەمەسە @kenes1414bot Telegram-بوتى ارقىلى ونلاين الۋعا بولاتىنىن ەسكەرتەمىز.