بالۋان بابا اتىنداعى ساراي ازياداعا دايىن

مەملەكەت باسشىسى نۇرسۇلتان نازارباەۆ ازيا ويىندارى وتكىزىلەتىن باستى سپورتتىق نىساننىڭ ءبىرى – بالۋان شولاق اتىنداعى سپورت سارايىن ارالاپ كوردى. جاڭارتىلعان, كۇردەلى ءجون­دەۋ­دەن وتكىزىلگەن سپورت سارايى ەڭ جوعارى حالىقارالىق ستان­دارت­تارعا سايكەس كەلەدى. مۇندا سپورت­شىلارعا, سپورتسۇيەر قاۋىمعا, سونىمەن قاتار, قازاقستاندىق ازيا­دانى كورسەتەتىن بۇقارالىق اق­پارات قۇرالدارىنا بارلىق جاع­داي جاسالعان. قازىردىڭ وزىندە سپورت سارايىندا حالىقارالىق فە­دەراتسيالاردىڭ كۇنتىزبەسىنە كى­رەتىن ۇلكەن جارىستار وتكىزىلىپ ءجۇر. ەلباسى سپورت سارايىنا كەل­گەندە ونىڭ الدىنداعى ۇلكەن ەلەكتروندىق تابلودا ازيادانىڭ باستالۋىنا 200 كۇن قالعانى جار­قى­راپ جانىپ تۇرعان ەدى. ال ەندى وسى الىپ كەشەننىڭ ارەناسىندا تىكەلەي قىسقى ويىندار كەزىندە, 2011 جىلدىڭ اقپانىندا ايەل­دەر­دىڭ حوككەي كوماندالارى جارىس مەدالدارىن ساراپقا سالادى. مەملەكەت باسشىسىنىڭ جا­نىن­دا قازاقستان رەسپۋبليكاسى­نىڭ تۋريزم جانە سپورت ءمينيسترى تەمىرحان دوسمۇحامبەتوۆ, الماتى قالاسىنىڭ اكىمى احمەتجان ەسى­موۆ جانە سپورت سارايىنىڭ دي­رەك­تورى يۋري زاحارين ەرىپ ءجۇ­رىپ, تۇسىنىكتەمەلەر بەردى. ءويت­كە­نى, سپورت سارايى بۇرىنعى ءول­شەم­دەرىندە قالدى دەمەسەڭىز, باس­تان-اياق جاڭارىپ شىققان. 5 مىڭ ادامدىق تريبۋناعا قولايلى ورىن­دىقتار قويىلىپ, كەڭ تەلە­ەكراندار, ايرىقشا قاجەتتى جا­رىق كەشەننىڭ ۇلكەن جارىس ال­دىن­داعى سالتاناتىن تانىت­قان­داي. مۇندا جۋىردا عانا ۆولەي­بولدان قازاقستان پرەزيدەنتىنىڭ كۋبوگى جولىنداعى حالىقارالىق تۋرنير بولىپ وتكەنى دە قاتى­سۋ­شى ەلدەر تۋلارىنىڭ ءىلۋلى تۇرۋى­نان تانىلعانداي. ەلوردا كۇنىندە جاڭا سپورت­تىق عيماراتتى قازاقستاننىڭ, ۋكراينانىڭ, يران مەن ءتۋنيستىڭ ۇلتتىق قۇرامالارى, رەسەي مەن قىتايدىڭ جەتەكشى كلۋبتارى العاشقى بولىپ سىناقتان وتكىزدى. بەس كۇن بويعى جارىستان سوڭ مۇندا سپورتشىلارعا جاسالعان جاعدايعا ءبارى دە تاڭدانىستارىن جاسىرمادى. سپورت ارەناسىندا ەلباسىن تۋرنيردە التىن مەدالدى جەڭىپ العان قازاقستان قۇراماسىنىڭ ۆولەيبولشى قىزدارى قارسى الىپ, ليۋدميلا انارباەۆا, سانا جارىلعاسوۆا, يرينا زايتسەۆا مەن ناتاليا رىكوۆا اياقتالعان تۋرنير تۋرالى ويلارىمەن ءبولىستى. اڭگىمە اراسىندا قىزداردىڭ “نۇر وتان” پارتياسىنا مۇشە بولۋعا شەشىم قابىلداعانى جايىندا دا ايتىلدى. – قىسقى ويىنداردىڭ ءوت­كى­زىلۋى ەل ءۇشىن ايرىقشا سىناق. ال ەندى مىناۋ سپورت سارايى, جا­ڭارعان كەشەن الماتىلىقتارعا شىنايى تارتۋ بولىپ قالادى, – دەدى ەلباسى. قازىردىڭ وزىندە قىسقى ازيا ويىندارىنا ازىرلىگى 95 پايىزعا باعالانىپ وتىرعان سپورت سارايى ءالى دە 10 مىڭ شارشى مەترگە ءۇل­كەيەدى, سونىڭ ناتيجەسىندە قوس­القى عيماراتتار – سپورت زال­دا­رى, كيىم شەشەتىن ورىن, ءباسپاسوز ورتالىعى, مەديتسينالىق ورىندار, كوپتەگەن كافەلەر سالىناتىن بو­لادى. بۇل جەردە شورت-ترەككە, حوك­كەيگە, مانەرلەپ سىرعاناۋعا ارنالعان قوسىمشا كاتوكتار ىسكە قوسىلادى. وسىلايشا الماتىدا ۇلكەن حالىقارالىق تۋرنيرلەردى وتكىزۋگە بارلىق جاعداي جاسالادى. سپورت سارايىن رەكونسترۋكتسيا­لاۋ­دىڭ العاشقى كەزەڭىنە مەم­لەكەت تاراپىنان بولىنگەن 14,5 ملرد. تەڭگە يگەرىلىپتى. ۆولەيبول ءتۋرنيرىنىڭ كەزىندە كەشەننىڭ بار­لىق قۇرىلىمدارى مەن تەتىكتەرى سىناقتان وتكىزىلگەن. ەندىگى سىناق 24-26 شىلدەدە بولماق – بالۋان شولاق اتىنداعى سپورت سارايىن­دا دزيۋدودان الەم كۋبوگى جولىن­داعى جارىس وتەدى. سپورت سارايىنىڭ ازىرلىگىنە ريزاشىلىعىن بىلدىرگەن ەلباسى مۇندا قىسقى ازيا ويىندارىنىڭ سالتاناتتى جابىلۋى بولاتىنىن جەتكىزدى. باقىت بالعارينا, سۋرەتتى تۇسىرگەندەر س.بوندارەنكو, ب.وتارباەۆ.