ونىڭ ايتۋىنشا, ەلىمىزدە جۇقپالى اۋرۋلارعا قارسى كۇرەستە ايتارلىقتاي جەتىستىكتەرگە قول جەتكىزىلگەن. ماسەلەن, سوڭعى 50 جىلدا يممۋنداۋ نارەستە ءولىمىن شامامەن 40 پايىزعا ازايتقان. ال پاروتيتپەن سىرقاتتانۋ دەڭگەيى 12 194 جاعدايدان 1 جاعدايعا دەيىن تومەندەگەن. گەپاتيت ا اۋرۋى 80 ەسەدەن استام, گەپاتيت ۆ 94 ەسەدەن كوپ, ال قىزامىق 180 ەسەدەن ارتىق ازايعان. سونىمەن قاتار پوليوميەليت 1996 جىلدان بەرى, ال ديفتەريا 2009 جىلدان بەرى تىركەلمەگەن.
قازىرگى تاڭدا يممۋنداۋ باعدارلاماسى 21 جۇقپالى اۋرۋعا قارسى ۆاكتسينانى قامتيدى. بالالارعا ارنالعان ۆاكتسينالاردىڭ ساپاسى دۇنيەجۇزىلىك دەنساۋلىق ساقتاۋ ۇيىمىنىڭ سەرتيفيكاتىمەن راستالعان.
بالالارىنا ۆاكتسينا سالعىزۋدان باس تارتاتىندار كوبەيدى: سەبەبى نەدە؟
سوعان قاراماستان, ماماندار حالىق اراسىندا جۇقپالى اۋرۋلاردىڭ قانشالىقتى اۋىر وتەتىنىن ۇمىتۋ ءۇردىسى بايقالىپ وتىرعانىن ايتادى. سونىڭ سالدارىنان ۆاكتسينادان باس تارتۋ كوبەيگەن. 2025 جىلى ەلىمىزدە 25 مىڭنان استام ەكپەدەن باس تارتۋ فاكتىسى تىركەلگەن, بۇل 2021 جىلمەن سالىستىرعاندا شامامەن 3,5 ەسە كوپ.
سوڭعى ءۇش جىلدا قىزىلشا مەن كوكجوتەل اۋرۋلارىنىڭ ءورشۋى بايقالادى. مامانداردىڭ دەرەگىنشە, قىزىلشامەن اۋىرعانداردىڭ 75 پايىزدان استامى, ال كوكجوتەلمەن اۋىرعانداردىڭ 89 پايىزعا جۋىعى ەكپە الماعان بالالار.
دەنساۋلىق ساقتاۋ سالاسىنىڭ وكىلدەرى مۇنداي ءۇردىس ۇجىمدىق يممۋنيتەتتىڭ السىرەۋىنە اكەلۋى مۇمكىن ەكەنىن ەسكەرتىپ, ەكپەنىڭ ماڭىزىن اتاپ ءوتتى.
ەندى قىزىلشاعا قارسى ۆاكتسينا مىندەتتى: استانا اۋرۋحانالارىنا بالا قابىلداۋ ەرەجەسى وزگەردى
سونداي-اق ەكپە تۋرالى رەسمي ءارى ناقتى اقپاراتتى egu.kz سايتىنان جانە 7701 جەدەل جەلىسى ارقىلى الۋعا بولاتىنى حابارلاندى.
