فوتو: اشىق دەرەككوز
FIFA مالىمەتىنشە, قازىردىڭ وزىندە 5 ميلليوننان استام بيلەت ساتىلعان, ال جالپى تۋرنيرگە 6 ميلليوننان استام بيلەت قاراستىرىلعان. ساتىلىمعا 1-3 ساناتتاعى ورىندارمەن قاتار, كەيبىر ماتچتار ءۇشىن الاڭعا جاقىن پرەميۋم ورىندار دا ۇسىنىلادى.
48 كوماندانىڭ بايگەسى: جاڭا فورمات سەنساتسيالارعا جول اشا ما؟
بۇعان دەيىن بيلەت باعاسىنىڭ قىمباتتىعى قوعامدا سىنعا ۇشىراپ, كەيبىر ساراپشىلار باعانى تومەندەتۋ قاجەتتىگىن ايتقان. الايدا FIFA بيلەت قۇنى سۇرانىسقا بايلانىستى وزگەرىپ وتىراتىن ديناميكالىق باعا جۇيەسى ارقىلى رەتتەلەتىنىن مالىمدەدى. سونىمەن قاتار جانكۇيەرلەر ءۇشىن شامامەن 60 اقش دوللارىنان باستالاتىن قولجەتىمدى بيلەتتەر قاراستىرىلعان, ولار جالپى بيلەتتەردىڭ شامامەن 10 پايىزىن قۇرايدى.
FIFA قوسىمشا بيلەتتەردى ماتچتار كەستەسىنە قاراي فينالعا دەيىن كەزەڭ-كەزەڭىمەن شىعارىپ وتىراتىنىن حابارلادى. ءتۋرنيردىڭ فينالدىق ويىنى 19 شىلدەدە وتەدى.
