فەستيۆال اياسىندا قاتىسۋشىلاردى بىرنەشە سپورتتىق باعىت كۇتىپ تۇر. اتاپ ايتقاندا, 5 شاقىرىمدىق جاپپاي جۇگىرۋ, سكانديناۆيالىق ءجۇرىس جانە بالالارعا ارنالعان 400 مەترلىك ارنايى جارىس وتكىزىلەدى.
تىركەۋ ۋاقىتى:
- 07:30 – 09:00 – 5 كم جۇگىرۋ جانە سكانديناۆيالىق ءجۇرىس
- 10:30 – بالالار جارىسى
قاتىسۋشىلار سانى شەكتەۋلى:
- 5 كم جۇگىرۋ – 1500 ادام
- سكانديناۆيالىق ءجۇرىس – 200 ادام
- بالالار جارىسى – 200 بالا
فەستيۆال تەك جۇگىرۋمەن شەكتەلمەيدى. ساعات 11:00-دەن باستاپ كەلۋشىلەردى يوگا جاتتىعۋلارى, street workout, جەكپە-جەك ونەرى بويىنشا كورسەتىلىمدەر, سونداي-اق ۆولەيبول, ميني-فۋتبول جانە باسكەتبول سياقتى كوماندالىق ويىندار كۇتەدى. سونىمەن قاتار ارمرەستلينگ, تۋرنيككە تارتىلۋ, گير كوتەرۋ سەكىلدى سپورت تۇرلەرى دە وتەدى.
ءىس-شارانىڭ وتەتىن ورنى – «Music Hall Astana» جاعىنان ترياتلون پاركى. بۇل فەستيۆال بۇقارالىق سپورتتى ناسيحاتتاپ, قالا تۇرعىندارىن بەلسەندى ءومىر سالتىنا تارتۋدى ماقسات ەتەدى.
روبوتتار جارىسى: قىتايدا 100-دەن استام گۋمانويد مارافوندا جۇگىردى
