فوتو: اشىق دەرەككوز
كىتاپ – ادامزات وركەنيەتىنىڭ ەڭ اسىل مۇراسى. ول ۇرپاقتان-ۇرپاققا ءبىلىم مەن تاجىريبەنى جەتكىزىپ, سانانى قالىپتاستىرادى. قازىرگى تسيفرلىق داۋىردە اقپاراتتىڭ قولجەتىمدىلىگى ارتقانىمەن, كىتاپتىڭ ماڭىزى كەمىگەن جوق. كەرىسىنشە, تەرەڭ وي مەن ساپالى ءبىلىم ىزدەگەن جان ءۇشىن كىتاپ – تاپتىرماس قۇرال.
ۇلتتىق كىتاپ كۇنى اياسىندا ەلىمىزدىڭ تۇكپىر-تۇكپىرىندە كىتاپ كورمەلەرى, اۆتورلارمەن كەزدەسۋلەر, ادەبي كەشتەر مەن وقىرماندارعا ارنالعان بايقاۋلار سياقتى ءتۇرلى مادەني ءىس-شارالار ۇيىمداستىرىلادى. وسىنىڭ بارلىعى حالىقتىڭ كىتاپقا دەگەن قىزىعۋشىلىعىن ارتتىرۋعا باعىتتالعان.
ايدا بالاەۆا: كىتاپ وقۋعا قىزىعۋشىلىق تۇراقتى تۇردە ارتىپ كەلەدى
مامانداردىڭ ايتۋىنشا, كىتاپ وقۋ ادامنىڭ وي-ءورىسىن كەڭەيتىپ قانا قويماي, ءتىل بايلىعىن ارتتىرىپ, سىني ويلاۋ قابىلەتىن دامىتادى. اسىرەسە, جاس ۇرپاقتى كىتاپ وقۋعا باۋلۋ بولاشاقتىڭ ساپالى ءبىلىمدى ءارى باسەكەگە قابىلەتتى بولۋىنا نەگىز قالايدى.
ۇلتتىق كىتاپ كۇنى – تەك مەرەكە عانا ەمەس, ءار ادامعا وي سالاتىن ەرەكشە مۇمكىندىك. بۇل كۇن ءاربىرىمىزدى كىتاپقا جاقىن بولۋعا, رۋحاني دامۋعا تاعى ءبىر قادام جاساۋعا ۇندەيدى.
