جاڭا زاڭنىڭ ماقساتى – «تەمەكىسىز ۇرپاق» قالىپتاستىرۋ جانە جاستار اراسىندا تەمەكى تۇتىنۋدىڭ الدىن الۋ. وسىلايشا, 17 جاسقا تولماعان جانە ودان كىشى ازاماتتار ءۇشىن تەمەكى ونىمدەرىنە قولجەتىمدىلىك ءبىرجولا شەكتەلەدى.
قازاقستان ۇلىبريتانيامەن بىرلەسىپ سيرەك جەر مەتالدارىن يگەرەدى
زاڭ كۇشىنە ەنگەننەن كەيىن, مينيسترلىكتەرگە تەمەكى, ۆەيپ جانە نيكوتين ونىمدەرىن رەتتەۋ بويىنشا قوسىمشا وكىلەتتىكتەر بەرىلەدى. بۇل شارالار ونىمدەردىڭ قۇرامى, حوش يىستەندىرگىشتەرى جانە قاپتاماسىنا قاتىستى تالاپتاردى قاتاڭداتۋدى قامتيدى.
ۇلىبريتانيانىڭ دەنساۋلىق ساقتاۋ ءمينيسترى بۇل قۇجاتتى «تاريحي شەشىم» جانە «قوعامدىق دەنساۋلىق سالاسىنداعى ەڭ ءىرى وزگەرىس» دەپ باعالادى. ونىڭ ايتۋىنشا, زاڭ كوپتەگەن ادامنىڭ ءومىرىن ساقتاپ قالۋعا مۇمكىندىك بەرەدى.
ايتا كەتەيىك, ۇلىبريتانيا بۇعان دەيىن دە تەمەكى ونىمدەرىنە قاتىستى جارناماعا شەكتەۋ قويۋ, قاپتامانى ستاندارتتاۋ جانە ساتۋ جاسىن كەزەڭ-كەزەڭىمەن قاتاڭداتۋ سياقتى بىرقاتار شارالاردى ەنگىزگەن.
