فوتو: قورعانىس مينيسترلىگى
مينيسترلىكتىڭ «بىتىمگەر» وقۋ-جاتتىعۋ ورتالىعىندا گەنەرال-مايور ا. مۇستابەكوۆكە بىتىمگەرلەردى دايارلاۋدىڭ تولىق تسيكلى تانىستىرىلدى. باعدارلاما حالىقارالىق ستاندارتتارعا نەگىزدەلگەن, سونداي-اق تاكتيكالىق, ارنايى مەديتسينالىق جانە تىلدىك دايىندىقتى قامتيدى.
ساپار بارىسىندا ورتالىقتىڭ وقۋ-ماتەريالدىق بازاسى, بىتىمگەرلەردىڭ زاماناۋي جابدىقتارى مەن جاۋىنگەرلىك كيىم-كەشەكتەرى تەكسەرىلدى. گەنەرال-مايور اسكەري قىزمەتشىلەردى دايارلاۋ دەڭگەيىنە جوعارى باعا بەرىپ, ساباقتاردىڭ ساپاسىن ەرەكشە اتاپ ءوتتى.
گولان جوتالارىندا قازاقستاننىڭ قانشا بىتىمگەرى قىزمەت ەتەدى؟
ساپار ءۇشىنشى بىتىمگەرلىك كونتينگەنتتىڭ جەكە قۇرامىمەن كەزدەسۋ سالتاناتتى ساپقا تۇرۋ راسىمىمەن اياقتالدى. ءمينيستردىڭ ورىنباسارى قازاقستاننىڭ جاھاندىق بەيبىتشىلىكتى ساقتاۋداعى ءرولىن اتاپ ءوتىپ, جەكە قۇرامعا قورعانىس ۆەدومستۆوسى اتىنان باعالى سىيلىقتار تابىس ەتتى.
ايتا كەتەيىك, بۇۇ-نىڭ گولان جوتالارىنداعى بولىنگەن ايماقتى باقىلاۋ ميسسياسى 1974 جىلدان بەرى جالعاسىپ كەلەدى. قازاقستان بۇل ميسسياعا 2024 جىلدان باستاپ دەربەس ۇلتتىق كونتينگەنت رەتىندە قاتىسادى.
