«تۇركسويدىڭ» سىيى

قازاقستان جازۋ­شىلار وداعىندا اباي مەن مۇقا­عاليدىڭ تۇرىك تىلىنە اۋدارىلعان جىر جيناقتارى مەن حاكىمنىڭ «قارا سوزدەرى» كىتابىنىڭ تۇ­ساۋ­كەسەرى بولىپ ءوتتى. اسا قۋانىشتى قاۋىشۋدى قازاقستان جازۋشىلار وداعىنىڭ باسقارما توراعاسى, پارلامەنت سەناتىنىڭ دەپۋتاتى نۇرلان ورازالين اشتى. الدىمەن ءسوز العان قازاقستاننىڭ تۇركياداعى ەلشىسى جانسەيىت تۇيمەباەۆ مۇنى باۋىرلاس تۇرىك ەلىنىڭ قازاق ادەبيەتى مەن ونەرى ءۇشىن جاساعان باعا جەتپەس سىيىنا بالادى. ەلشىلىك ارقىلى ۇيىم­داستىرىلعان مادەني شارانىڭ اعايىن حالىقتىڭ اراسىنداعى دوستىقتىڭ, باۋىرمالدىقتىڭ التىن كوپىرى بولاتىنىنا سەندىردى. تۇركيادا ءتارجىمالانىپ, تۇرىك باسپاسىنان شىققان كىتاپتى كوزبەن كورىپ, قولمەن ۇستاعان قالامگەرلەردىڭ الدى بولىپ انەس ساراي كوڭىل تول­قىنىسىن بىلاي جەتكىزدى: – بۇل ءبىزدىڭ كوكەيىمىزدە كوپتەن جۇرگەن ارمانىمىز ەدى, ورىندالدى. ەرتەدە ماسكەۋدە ورىس تىلىندە ءتارجىمالانىپ شى­عاتىن باسىلىمدارعا ەكىنىڭ ءبىرىنىڭ قولى جەتپەگەن دە زامان بولعان. باستاۋى ۇلكەن ءىستىڭ العاشقى قارلىعاشى ءۇشىن شىن جۇرەكتەن قۋانىپ تۇرمىز, – دەدى ول. بۇدان سوڭ ءسوز العان قازاقتىڭ بەلگىلى اقىن-جازۋشىلارى ورازا­قىن اسقار, مارفۋعا ايت­حوجينا, سماعۇل ەلۋباي, احمەت­جان اشي­ري, جۇماباي شاش­تاي ۇلى يگىلىكتى ىسكە قاناعات سەزىمدەرىن ءبىلدىردى. حالىقارالىق «تۇركسوي» ۇيىمىنىڭ وكىلى مالىك وتار­باەۆقا دا العىس ايتىلدى. كىتاپ­تىڭ ءبىر ەرەكشەلىگى – ءاربىر جىر شۋماعىنىڭ تۇرىكشە اۋدار­ماسىنىڭ قاپتالىنا قازاقشا تۇپنۇسقاسى قوسىمشا بەرىلىپ وتىرعان. قازاق پوەزياسىنىڭ قوس قۇدى­رەتىنىڭ شىعارمالارىن ءتارجى­مالاعان تۇركيالىق تانىمال شايىر – زافەر قيبار. تالعات ءسۇيىنباي, «ەگەمەن قازاقستان». الماتى. ––––––––––– سۋرەتتى تۇسىرگەن اۆتور.