جوبا اياسىندا جالپى ۇزىندىعى 3,64 شاقىرىم جم-2ا جىلۋ جەلىلەرى قايتا جاڭارتىلدى. بۇل ماگيسترال 36 جىل بۇرىن سالىنعان جانە سودان بەرى مۇندا كۇردەلى جوندەۋ جۇرگىزىلمەگەن. سوڭعى 5 جىلدا بۇل ۋچاسكەدە 31 رەت اپاتتىق جاعداي تىركەلگەن.
ەنەرگەتيكالىق جانە كوممۋنالدىق سەكتورلاردى جاڭعىرتۋ جوباسى مەتاللۋرگتەر قالاسىنداعى جىلۋ جەلىلەرىنىڭ جالپى توزۋ دەڭگەيىن 75%-دان 73,8%-عا دەيىن تومەندەتۋگە مۇمكىندىك بەرگەن بۇل كورسەتكىش از بولىپ كورىنگەنىمەن, ءىس جۇزىندە 7,2 مىڭنان استام تۇتىنۋشى (جەكە جانە زاڭدى تۇلعالار, 3 مەكتەپكە دەيىنگى بالالار مەكەمەسى, ەمحانا, ورتا مەكتەپ) وڭ وزگەرىستى سەزىندى.
«نىسانداعى جۇمىستار اياقتالدى. قۇرىلىس كەزىندە بارلىق جۇمىس جوبالاۋ-سمەتالىق قۇجاتتاماعا سايكەس ورىندالدى. 2025-2026 جىلدارداعى جىلىتۋ ماۋسىمىندا جىلۋ ماگيسترالى پايدالانۋعا بەرىلدى. اتالعان ۋچاسكەدە قۇبىردىڭ جارىلۋى مەن جىلۋدان اجىراتۋ جاعدايلارى تىركەلگەن جوق», دەلىنگەن تابيعي مونوپوليالاردى رەتتەۋ كوميتەتىنىڭ حابارلاماسىندا.
ايتا كەتەيىك, «ەنەرگەتيكالىق جانە كوممۋنالدىق سەكتورلاردى جاڭعىرتۋ» ۇلتتىق جوباسى رەسپۋبليكا بويىنشا 2029 جىلعا دەيىن ىسكە اسادى. جوبا كوممۋنالدىق ينفراقۇرىلىمنىڭ توزۋىن 40%-عا دەيىن تومەندەتۋگە جانە اپات قاۋپىن 20% قىسقارتۋعا باعىتتالعان.
