فوتو: istockphoto.com
وقيعا 12 ءساۋىر كۇنى تاڭەرتەڭ بولعان. ەر ادام ەكى ماس كۇيدەگى تانىسىمەن بىرگە تراۆماتولوگيالىق پۋنكتكە مەديتسينالىق كومەك سۇراپ كەلگەن. دەسە دە, ناۋقاستىڭ جانىنداعى ەر ادامدار ءوزىن ورەسكەل ۇستاپ, دارىگەردىڭ ەسكەرتۋىنە اگرەسسيۆتى تۇردە جاۋاپ بەرىپ, بولمەدەن شىعۋدان باس تارتقان. ارتىنشا دارىگەرگە قول كوتەرىپ, سوققىعا جىققان. جاعدايعا اراشا تۇسپەك بولعان مەدبيكە دە دەنە جاراقاتىن العان.
جاراقات العان مەديتسينا قىزمەتكەرلەرى اۋرۋحاناعا جاتقىزىلدى. كۇدىكتى ءۇش ادامنىڭ ەكەۋى ۋاقىتشا ۇستاۋ يزولياتورىنا قامالسا, ءۇشىنشىسى پوليتسيا كۇزەتىمەن ارنايى پالاتادا جاتىر.
قاراعاندىدا ەر ادام دارىگەرلەرگە كۇش كورسەتكەن
«اتالعان فاكتى بويىنشا قىلمىستىق ءىس قوزعالدى. پوليتسيا دەپارتامەنتى 7-ناۋرىزدان باستاپ مەديتسينا قىزمەتكەرلەرىنە قاتىستى قورقىتۋ نەمەسە كۇش قولدانۋ ارەكەتتەرى ءۇشىن جاۋاپكەرشىلىكتى قاراستىرىلعان باپ كۇشىنە ەندى. مەديتسينا ماماندارىنا قول كوتەرگەن ازاماتتاردى 12 جىلعا دەيىن باس بوستاندىعىنان ايىرۋ كوزدەلگەن», دەلىنگەن پاۆلودار وبلىستىق پوليتسيا دەپارتامەنتىنىڭ حابارلاماسىندا.
