فوتو: ru.freepik.com
سولتۇستىك وڭىرلەردە اۋا تەمپەراتۋراسى نولدەن تومەن ءتۇسىپ, جاڭبىر سوڭى قارعا ۇلاسۋى مۇمكىن. سونداي-اق كوكتايعاق بولجانىپ وتىر. باتىس ايماقتاردا الداعى ءۇش كۇن بويى نوسەر جاڭبىر جاۋىپ, بۇرشاق تۇسەدى, جەل كۇشەيەدى. 16 ءساۋىر كۇنى وڭتۇستىكتە, ال 15-16 ءساۋىر كۇندەرى سولتۇستىك پەن ورتالىقتا جاۋىن-شاشىن بولجانعان. شىعىس قازاقستاندا 14 ساۋىرگە قاراعان ءتۇنى قار ارالاس جاڭبىر جاۋى ىقتيمال. سونىمەن قاتار جالپى ەل اۋماعىندا تۇمان ءتۇسىپ, جەل كۇشەيەدى.
تەمپەراتۋرالىق كورسەتكىشتەر دە ايتارلىقتاي تومەندەيدى. باتىس وڭىرلەردە تۇندە اۋا تەمپەراتۋراسى +2, +10 گرادۋس ارالىعىندا بولسا, كۇندىز +10, +15 گرادۋسقا دەيىن كوتەرىلەدى. سولتۇستىكتە تۇنگى ۋاقىتتا -2, -8 گرادۋسقا دەيىن سۋىتىپ, كۇندىز 0, +7 گرادۋس شاماسىندا بولادى. ال وڭتۇستىكتە اۋا تەمپەراتۋراسى تۇندە +3, +13 گرادۋس, كۇندىز +8,+18 گرادۋس ارالىعىندا ساقتالادى.
