ۆولەيبولدان ايەلدەر كوماندالارى اراسىندا ەل چەمپيوناتىنىڭ شەشۋشى كەزەڭى ءوتتى

5-8 ورىندار ءۇشىن ويىندار:
«اقتوبە» كومانداسى «استانانى» 3:0 ەسەبىمەن (25:21, 25:11, 25:18) جەڭدى.
ال «بۋرەۆەستنيك الماتى» «قاراعاندىنى» 3:0 ەسەبىمەن (25:21, 25:17, 25:19) ۇتتى.

3-4 ورىن ءۇشىن ماتچ:
«تۇران» مەن «بەرەل» اراسىنداعى قولا مەدال ءۇشىن وتكەن تارتىستى كەزدەسۋ 3:2 ەسەبىمەن «تۇراننىڭ» پايداسىنا اياقتالدى (19:25, 22:25, 25:21, 25:23, 15:7).

بۇل ماتچ ماۋسىمنىڭ شارىقتاۋ ساتتەرىنىڭ ءبىرى بولدى. العاشقى ەكى پارتيادا «بەرەل» باسىمدىق تانىتقانىمەن, كەيىن ويىن بارىسى وزگەردى. ءۇشىنشى پارتيادان باستاپ «تۇران» بەلسەندىلىگىن ارتتىرىپ, قارسىلاستىڭ شابۋىلدارىن تەجەي باستادى. تاجىريبەلى ويىنشى ەلەنا سامويلەنكونىڭ تورداعى سەنىمدى ويىنى شەشۋشى ءرول اتقاردى.

ءتورتىنشى پارتيادا دا تارتىس جوعارى دەڭگەيدە ءوتتى, الايدا سوڭعى ساتتەردە «تۇران» ويىنشىلارى جيناقىلىق تانىتتى. ال تاي-برەيكتە «تۇران» 7:0 ەسەبىمەن قارقىندى باستاما جاساپ, جەڭىستى ءوز قولىنان شىعارمادى. ناتيجەسىندە كوماندا ماۋسىمنىڭ قولا جۇلدەگەرى اتاندى.

ماتچتىڭ ۇزدىك ويىنشىلارى:
– الەكساندرا مەششانينوۆا («تۇران»)
– يۋليا دىمار («بەرەل»)

جارىستان كەيىن جەڭىمپازدار مەن جۇلدەگەرلەردى ماراپاتتاۋ ءراسىمى ءوتتى. سالتاناتتى جيىنعا قارجى ءمينيسترى, قازاقستان ۆولەيبول فەدەراتسياسىنىڭ پرەزيدەنتى مادي توكەش ۇلى تاكيەۆ, جەتىسۋ وبلىسىنىڭ اكىمى بەيبىت يساباەۆ, ۇلتتىق بانكتىڭ ءبىرىنشى ورىنباسارى ەرۇلان جاماۋباەۆ, قازاقستان ۆولەيبول فەدەراتسياسىنىڭ ءبىرىنشى ۆيتسە-پرەزيدەنتى ارمان قابەسوۆ جانە «قارجى ورتالىعى» اق توراعاسىنىڭ ورىنباسارى حاميت قۇنارباەۆ قاتىستى.

ۆولەيبولدان قازاقستان چەمپيوناتىنىڭ پلەي-وفف ماتچتارى «بارىس ارەنادا» وتەدى

سيمۆوليكالىق قۇراما (2025/2026 ماۋسىم):
– بايلانىستىرۋشى: داريا شارگورودسكايا («جەتىسۋ»)
– دياگونال: انەت الفونسو بەنيتەس («قۋانىش»)
– قابىلداۋشىلار: سانا انارقۇلوۆا («قۋانىش»), يىۆەن مياو («جەتىسۋ»)
– ورتاڭعى بلوكتاۋشىلار: ۆالەريا ياكۋتينا («جەتىسۋ»), ەلەنا سامويلەنكو («تۇران»)
– ليبەرو: سابيرا بەكەشەۆا («قۋانىش»)
– MVP: ماريا فرولوۆا («جەتىسۋ»)

پاۆلوداردا ۆولەيبولدان ماۋسىم ۇزدىكتەرى انىقتالادى

قورىتىندى تۋرنيرلىك كەستە:

1. «جەتىسۋ» (تالدىقورعان)
2. «قۋانىش» (پەتروپاۆل)
3. «تۇران» (تۇركىستان)
4. «بەرەل» (وسكەمەن)
5. «بۋرەۆەستنيك الماتى» (الماتى)
6. «اقتوبە» (اكتوبە)
7. «قاراعاندى» (قاراعاندى وبلىسى)
8. «استانا» (استانا)