فوتو: kazgazeta.kz
مەملەكەت باسشىسى ءوز سوزىندە «تازا قازاقستان» جالپىۇلتتىق جوباسىنىڭ تۇپكى ءمانى قوعامدىق سانانى جاڭعىرتۋ ەكەنىن اتاپ ءوتتى.
«قوعامدا تازالىقتى ساقتاۋ, قورشاعان ورتانى قورعاۋ مادەنيەتىن ورنىقتىرۋدىڭ ءمان-ماڭىزى زور. وسى رەتتە «تازا قازاقستان» جالپىۇلتتىق جوباسىن ايرىقشا اتاپ وتكەن ءجون. بۇل باستاما قالا مەن اۋىلدى اباتتاندىرۋ جۇمىسىمەن شەكتەلمەيدى. ونىڭ تۇپكى ءمانى – قوعامدىق سانانى جاڭعىرتۋ. سول ارقىلى ازاماتتارىمىزدى قاستەرلى وتانىمىز – قازاقستاننىڭ تاعدىرىنا بەي-جاي قاراماي, بولاشاقتىڭ ىرگەسىن بىرگە قالاۋعا شاقىرۋ. جاۋاپكەرشىلىك, ادىلدىك, ءوزارا قۇرمەت بار جەردە عانا ءوسىپ-وركەندەۋگە, دامۋعا جول اشىلادى. بۇل – وركەنيەتتى مەملەكەتتەر مەن حالىقتاردىڭ بارلىعىنا ورتاق ۇستانىم. وسى قۇندىلىقتار جاڭا حالىق كونستيتۋتسياسىنا ارقاۋ بولىپ وتىر. ءبىز دامۋدىڭ داڭعىل جولىنا ءتۇسىپ, جاھاندىق باسەكەگە قابىلەتتى ەلگە اينالدىق. ناقتى جەتىستىكتەرىمىز بار. بۇل – ەڭ الدىمەن, ساپالى ادام كاپيتالى», دەدى قاسىم-جومارت توقاەۆ.
پرەزيدەنت جيىندا جوعارى مەملەكەتتىك ماراپاتتار تىزىمىنە ء«ال-فارابي» وردەنى ەنگىزىلەتىنىن مالىمدەپ, قازاقستاندىق عالىمداردى ماراپاتتادى. ءال بىر توپ جاس عالىمعا پاتەر كىلتتەرىن تابىستادى.
