اقش-تا ايەل ادام 50 شاقىرىم جەردى ءجۇزىپ ءوتتى

امەريكالىق كيم چەمبەرس (Kim Chambers) 50 شاقىرىمدىق قاشىقتىقتى ءجۇزىپ وتكەن تاريحتاعى ەڭ العاشقى ايەل اتاندى. ول فاراللون ارالىنان «التىن قاقپا» (Golden Gate) كوپىرىنە دەيىنگى ارالىقتى ءجۇزىپ ءوتىپ, سۋداعى ەڭ قاۋىپتى بەلەستەردىڭ ءبىرىن باعىندىردى. تارقاتا ايتساق, 38 جاستاعى ايەل سالقىن سۋعا ءتۇسىپ, 50 شا­­­قىرىم قاشىقتىققا ءجۇزۋ جو­رىعىن باستادى. ال مارەگە 17 ساعات وتكەننەن كەيىن جەتكەن. «بۇكىل كوماندام مەنى باس بارماقتارىن جوعارى كوتەرىپ, قولداپ تۇردى. ماعان بۇل ارا­لىقتى ءجۇزىپ شىعۋ وڭاي بولعان جوق», – دەدى كيم چەمبەرس. وسىنشا ۋاقىتقا سوزىلعان ءجۇزۋ بارىسىندا ونىمەن قا­تارلاسىپ اناسى مەن كومان­دانىڭ 16 مۇشەسى قايىقپەن ءجۇزىپ وتىرعان. ولار قاۋىپ تونە قالعان جاعدايدا كومەككە كەلمەكشى بولعان. كيم چەمبەرس – بۇرىنعى بالەرينا. ول وسىدان بىرنەشە جىل بۇرىن قايعىلى جاعدايعا ۇشىراپ, ەكى اياعى تۇگەل جانسىزدانىپ قالعان بولاتىن. مىنە, سول وقيعادان كەيىن اياقتارىن قالپىنا كەلتىرۋ ءۇشىن چەمبەرس جۇزۋمەن اينالىسۋدى باستاپتى. تاريح بەتتەرىنە ۇڭىلسەك, بۇ­رىن فاراللون ارالى مەن اتالعان كوپىردىڭ ارالىعىن ءتورت ەر كىسى ءجۇزىپ وتكەن ەكەن. بۇل جەردىڭ قاۋىپتىلىگى, وندا ارال مەن سان-فرانتسيسكو جاعالاۋىنداعى تاس­باقالارمەن قورەكتەنەتىن ۇلكەن اق اكۋلالار كوپتەپ كەزدەسەدى. تالعات رايىمبەك.