فوتو: اشىق دەرەككوز
باس پروكۋراتۋرا مەن قارجى مونيتورينگى اگەنتتىگىنىڭ مالىمەتىنشە, كۇدىكتىنى ەلگە قايتارۋ جۇمىستارى قازاقستاننىڭ گرۋزياداعى ەلشىلىگىنىڭ قولداۋىمەن جۇزەگە اسقان. ول سەنىپ تاپسىرىلعان قاراجاتتى يەمدەندى دەگەن ايىپپەن قىلمىستىق جاۋاپكەرشىلىككە تارتىلىپ وتىر.
تەرگەۋ دەرەكتەرىنە سايكەس, كۇدىكتى كومپانيا باسشىسى بولا وتىرىپ, الدىن الا ءسوز بايلاسقان ادامدار توبىمەن بىرگە مەملەكەتتىك ساتىپ الۋ تالاپتارىن اينالىپ ءوتىپ, سپۋتنيكتىك جانە تەلەكوممۋنيكاتسيالىق جابدىقتاردى جالعا الۋ بويىنشا زاڭسىز كەلىسىمشارت جاساعان.
زاڭسىز كاسىپكەرلىك: ترانسۇلتتىق قىلمىستىق توپ مۇشەسى رەسەيدەن ەكستراديتسيالاندى
سونىڭ سالدارىنان «ترانستەلەكوم» اكتسيونەرلىك قوعامى ارقىلى مەملەكەتكە 4 ميلليارد تەڭگەدەن استام شىعىن كەلتىرىلگەن.
قىلمىس جاسالعاننان كەيىن كۇدىكتى بوي تاسالاپ, حالىقارالىق ىزدەۋگە جاريالانعان. بيىلعى ناۋرىز ايىندا ول گرۋزيا اۋماعىندا ۇستالىپ, قازاقستان تاراپىنىڭ سۇراۋى بويىنشا ەلگە قايتارىلدى.
قازىرگى ۋاقىتتا كۇدىكتى تەرگەۋ يزولياتورىنا قامالعان.
10 ملرد تەڭگەدەن استام شىعىن: قارجى پيراميداسىن باسقارعان كۇدىكتى ەلگە ەكستراديتسيالاندى
اتالعان قىلمىس بويىنشا وعان مۇلكىن تاركىلەۋمەن بىرگە 12 جىلعا دەيىن باس بوستاندىعىنان ايىرۋ جازاسى قاراستىرىلعان.
