«تولىسقاندىقتىڭ جاھاندىق سىنىنان ءوتۋ ءۇشىن ءبىزدىڭ توپتاسا ءبىلۋىمىز قاجەت. ءبىز بارلىق قازاقستاندىقتار اراسىنداعى سەنىمدى نىعايتۋعا ءتيىسپىز! ءبىر-ءبىرىمىزگە تاعاتتى بولۋىمىز كەرەك. بۇلار – قازاقستاننىڭ بولاشاعىنا كىلتتەر»
قازاقستان رەسپۋبليكاسىنىڭ پرەزيدەنتى – ەلباسى ن. نازارباەۆتىڭ «نۇرلى جول – بولاشاققا باستار جول» جولداۋىنان
23 ساۋىردە «ماڭگىلىك ەل: ءبىر ەل – ءبىر تاعدىر» كۇن تارتىبىمەن قازاقستان حالقى اسسامبلەياسىنىڭ XXII سەسسياسى ءوتتى. سەسسيادا قازاقستان رەسپۋبليكاسىنىڭ پرەزيدەنتى, قازاقستان حالقى اسسامبلەياسىنىڭ توراعاسى نۇرسۇلتان نازارباەۆ اسسامبلەيانىڭ 20 جىل ىشىندە اتقارعان جۇمىستارىنىڭ قورىتىندىسىن شىعارىپ, الداعى جاڭا باعىتتاردى ايقىندادى.
مەملەكەت باسشىسى ءبىزدىڭ ورتاق جەتىستىكتەرىمىز جايلى ايتا كەلىپ, الداعى ۋاقىتتا مەملەكەت پەن قوعامدى ودان ءارى دامىتۋدىڭ نەعۇرلىم وزەكتى ماسەلەلەرىن انىقتاپ, ناقتى مىندەتتەر جۇكتەدى. بىرىنشىدەن, ۇلتتىڭ زاماناۋي الەمدەگى مادەني ارقاۋى ايقىندالدى. بۇل رەتتە, كوپ ەتنوستى حالىقتىڭ ەتنوستىق, تىلدىك, ءدىني جانە مادەني ايىرماشىلىقتارى ونى ءبولۋدىڭ ەمەس, بىرىكتىرۋدىڭ باستاۋى بولۋى كەرەك. قازاقستاننىڭ مادەنيەتى ححI عاسىرداعى ەڭ تانىمال مادەنيەتتەردىڭ قاتارىندا جانە وتىز «جوعارى مادەنيەتتى قوعامنىڭ» شوق جۇلدىزدارىنىڭ قۇرامىندا بولۋى قاجەت. ەكىنشىدەن, ورتاق رۋحاني-ادامگەرشىلىك قۇندىلىقتار نەگىزىندەگى حالىقتىڭ بىرلىگى قازاقستاندىق ۇلتتىق رۋحتىڭ باستاۋى بولىپ تابىلادى. بىزدەردى ورتاق ءۇيىمىز – قازاقستانعا دەگەن سۇيىسپەنشىلىك, ەجەلگى جەرىمىزدىڭ تاريحىنا جانە تىلدەردى دامىتۋعا قاتىستى قوعامدىق كەلىسىمىمىز, مەملەكەتىمىز بەن ونىڭ ازاماتتارىنىڭ بۇگىنگى كۇنىمىز بەن ەڭسەلى ەرتەڭىمىزگە دەگەن تەرەڭ سەنىمى بىرىكتىرەدى. ءبىزدىڭ ماڭگىلىك وتانىمىز – ماڭگىلىك ەلدىڭ نەگىزى, مىنە, وسىلار. ۇشىنشىدەن, وسكەلەڭ ۇرپاققا پاتريوتتىق تاربيە بەرۋگە, ازاماتتىق قاعيداتتارىندا قازاقستاندىق بىرەگەيلىكتى نىعايتۋعا, ولاردىڭ ساناسىندا جالپىۇلتتىق قۇندىلىقتاردى, ادامگەرشىلىك قاسيەتتەردى, ار-نامىس, ىزگىلىك پەن قايىرىمدىلىق نورمالارىن قالىپتاستىرۋعا ەرەكشە كوڭىل بولىنۋدە. بۇعان ءبىلىم بەرۋ مەن تاربيە, مادەنيەت سالاسىنىڭ, باق-تىڭ جانە ەتنومادەني بىرلەستىكتەردىڭ بارلىق مۇمكىندىكتەرى جۇمىلدىرىلادى. وتباسى قۇندىلىقتارى ارقىلى تولەرانتتىلىققا تاربيەلەۋدە انالار كەڭەسىنە ەرەكشە مىندەت جۇكتەلەدى, ولاردىڭ سانى بۇگىنگى تاڭدا 200-دەن استى. دانا حالقىمىز «ەل بولامىن دەسەڭ, بەسىگىڭدى تۇزە» دەپ بەكەر ايتپاعان. تورتىنشىدەن, مەملەكەت دەگەنىمىز – ۇلت, ال ونىڭ باستى قۇندىلىعى – ونىڭ بىرەگەي مەملەكەتتىك ءتىلى. مەملەكەتتىك ءتىلدى ءبىلۋ – ءار ازاماتتىڭ پارىزى مەن مىندەتى, باسەكەلەستىكتىڭ باستى كەپىلى, قوعامداعى الەۋمەتتىك باسپالداق. ءۇش ءتىلدى مەڭگەرۋ – جاھاندىق ومىرگە بەرىلگەن جولداما, ادامنىڭ تابىستىلىق قاعيداتى. سوندىقتان ءۇش تىلدە ءبىلىم بەرۋدى دامىتۋدىڭ جول كارتاسى ازىرلەنەدى. بەسىنشىدەن, ترانسپارەنتتى مەملەكەتتىڭ قوعامدىق باقىلاۋ جۇيەسىندە حالىقتىق, ساياساتتان تىس وكىلدىكتىڭ ەرەكشە تەتىگى رەتىندەگى اسسامبلەيانىڭ ەرەكشە ءرولى ايقىندالدى. بۇگىندە بۇل ءرولدى قوعامدىق كەلىسىمنىڭ بارلىق دەڭگەيدەگى 1470 كەڭەسى ورىندايدى, ولار ناقتى ءوڭىر, قالا, اۋىل تۇرعىندارىنىڭ, كاسىپورىننىڭ الەۋمەتتىك كوڭىل-كۇيى ءۇشىن وزەكتى بولىپ تابىلاتىن كەز كەلگەن ماسەلەمەن اينالىسادى. وسى جۇيە بۇدان ءارى دە جالعاسىن تابۋى ءتيىس. التىنشىدان, ەل پرەزيدەنتى ۇلتتىق راديكاليزمنىڭ, ەتنوسارالىق قاتىناستار ماسەلەلەرىن ساياساتتاندىرۋدىڭ بارلىق نىساندارىنىڭ جولى قاتاڭ كەسىلەتىنىن اتاپ كورسەتتى. ماسەلەنىڭ وسىلايشا قويىلۋى وتە وزەكتى, سەبەبى, زاماناۋي عالامدىق الەۋمەتتىك شيەلەنىستەردە بۇل قۇرامداستار اسا قاتەرلى ءرول اتقارادى. جەتىنشىدەن, اسسامبلەيانىڭ ەۋرازيالىق ەكونوميكالىق وداقتاعى ارىپتەستەرىمىزبەن مادەني-گۋمانيتارلىق ءوزارا ءىس-قيمىلدى تەرەڭدەتۋ بويىنشا جۇمىسىن جۇيەلەندىرۋ. بۇل رەتتە مىنانى ەرەكشە اتاپ وتكىمىز كەلەدى – اڭگىمە وداققا مۇشە مەملەكەتتەرمەن ەكى جاقتى گۋمانيتارلىق جانە مادەني بايلانىستار تۋرالى بولىپ وتىر, سەبەبى, ەۋرازيالىق ەكونوميكالىق وداق – بۇل بىرىڭعاي ەكونوميكالىق ۇيىم. قازاقستان حالقى اسسامبلەياسىنىڭ XXII سەسسياسى قازاقستاندىق ءپاتريوتيزمنىڭ, ۇلتتىق بىرلىكتىڭ, ءبىزدىڭ حالقىمىزدىڭ تولەرانتتىلىعى مەن اقجارقىندىعىنىڭ وزىق ۇلگىلەرىن كورسەتىپ قانا قويماي, ەل پرەزيدەنتىنىڭ بەيبىتشىلىك پەن كەلىسىم ساياساتىنىڭ سالتانات قۇرۋىن جانە حالىقتىڭ ءوز ەلباسىنا دەگەن شەكسىز سەنىمىن دە پاش ەتتى. سوندىقتان, مەملەكەت باسشىسى 1 ناۋرىزدى (نەمەسە باسقا كۇندى) ەتنوستاردىڭ ءبىر-بىرىنە جانە عاسىرلار بويى باسقا ەتنوستاردىڭ بارلىعىنا جۇرەك مەيىرىمىن توگىپ, ولاردى ءوز باۋىرىنداي قابىلداپ كەلە جاتقان قازاقتارعا العىس ايتۋ كۇنى رەتىندە اتاپ ءوتۋدى ۇسىنۋى وتە ورىندى. بۇل قازىرگى كۇنى باستالىپ كەتكەن ادامي ءداستۇردى قولداۋ دەپ بىلەمىز: ۇشتوبە مەن ورال قالالارىندا قۋعىن-سۇرگىن قۇرباندارىنىڭ ۇرپاقتارى قازاق حالقىنا, قازاق جەرىنە ريزاشىلىقتىڭ بەلگىسىندەي ەتىپ, ەسكەرتكىش ورناتتى. ارينە, بۇل كۇن تاريحتى ەسكە الۋ جانە بارشا قازاقستاندىقتاردىڭ ءبىر-بىرىنە دەگەن دوستىعىن, سۇيىسپەنشىلىگىن, مەيىرىمدىلىگى مەن ىزگىلىگىن پاش ەتكەن مەرەكە بولۋى ءتيىس. مەملەكەت باسشىسىنىڭ الدىمىزعا قويعان مىندەتتەرىن – بەس ينستيتۋتتىق رەفورمانى, «مەملەكەتتىك قۇرىلىستىڭ ودان ارعى 100 ناقتى قادامى» ۇلت جوسپارىن ىسكە اسىرۋ ازاماتتىق قاعيداتتارعا, قۇقىقتار مەن جاۋاپكەرشىلىكتىڭ بىرلىگىنە, تەڭ مۇمكىندىكتەرگە قولجەتىمدىلىككە نەگىزدەلگەن قازاقستاندىق بىرەگەيلىكتىڭ ودان ءارى نىعايۋىن تالاپ ەتەدى. جالپىۇلتتىق ماڭگىلىك ەل يدەياسى, اتاپ ايتقاندا, ونىڭ شوعىرلاندىرۋشى قۇندىلىقتارى – ازاماتتىق تەڭدىك, ەڭبەكسۇيگىشتىك, ادالدىق, عىلىم مەن ءبىلىمنىڭ جوعارى باعالانۋى, زايىرلى مەملەكەت – تولەرانتتىلىق مەملەكەتى – ازاماتتىق سانا-سەزىمنىڭ ىرگەلى نەگىزى ەكەنى كۇمانسىز. كوپەتنوستى جانە كوپكونفەسسيالى قۇرىلىمى بار مەملەكەتتىڭ ءبىرتۇتاس ماقساتقا جەتۋ جولىندا بىرىڭعاي قۇندىلىقتاردىڭ, ماڭگىلىك ەل ۇلتتىق يدەياسىنىڭ ءتوڭىرەگىنە توپتاسقان, ءبىرتۇتاس ازاماتتىق قوعامداستىقسىز نىعايۋى مۇمكىن ەمەس. «ماڭگىلىك ەل» – قازاقستان مەملەكەتتىلىگىنىڭ تەرەڭ تاريحىن كورسەتەتىن جالپىۇلتتىق يدەيا, بىرلىگىمىزدىڭ تاۋسىلماس قۋاتى, بارشا قازاقستاندىقتاردى بىرىكتىرۋشى رۋحاني كۇش, تاۋەلسىزدىگىمىزدىڭ سەنىمدى تىرەگى! «ماڭگىلىك ەل» يدەياسى حالىقتىق, تەرەڭ پاتريوتتىق «مەنىڭ ەلىم» تۇسىنىگىمەن اجىراماس بايلانىستا. بۇل كاتەگوريالاردا ءبىزدىڭ حالىقتىڭ, قوعامنىڭ, مەملەكەتىمىزدىڭ ومىرلىك فيلوسوفياسى بەكىتىلگەن. قازاقستان حالقى اسسامبلەياسى جىلىنىڭ باستى يدەياسى – «مەنىڭ ەلىم – ماڭگىلىك ەل». سوندىقتان دا قازاقستان حالقى اسسامبلەياسىنىڭ XXII سەسسياسى «ماڭگىلىك ەل: ءبىر ەل – ءبىر تاعدىر» كۇن تارتىبىمەن ءوتتى, ال 2015 جىل, ەشبىر اسىرا ايتۋسىز, قازاقستان حالقى ءۇشىن ءوزىنىڭ اۋقىمى جاعىنان ءبىزدىڭ قوعام مەن مەملەكەتتىڭ ودان ءارى دامۋىنىڭ سيپاتى مەن باعىتى الداعى كوپ جىلدارعا ايقىندالىپ, جوسپارلار جاسالعان تاريحي جىل بولدى. بيىلعى جىلى اسسامبلەيانىڭ الدىندا اتا-بابالارىمىزدىڭ اسىل مۇراتى «ماڭگىلىك ەل» بولۋ ارمانىن جۇزەگە اسىرۋعا باعىتتالعان بەس حالىقتىق رەفورمانىڭ, «قازاقستان-2050» ستراتەگياسىنىڭ ماقساتتارىن ىسكە اسىرۋ مىندەتى تۇر. جانە ءبىز بۇل مىندەتتى شەشۋدەمىز. اسسامبلەيا جىلى ەلىمىز قازاقستان رەسپۋبليكاسىنىڭ 20 جىلدىعىن, قازاق حاندىعىنىڭ 550 جىلدىعىن اتاپ وتپەك, ال ۇلى جەڭىستىڭ 70 جىلدىعى اتاپ ءوتىلدى. اسسامبلەيا جىلى, ونىڭ 20 جىلدىق مەجەسىندە, مەن قحا قۇرىلىپ, قالىپتاسقان كەزەڭدە اتسالىسقان ازاماتتارعا, ەڭ الدىمەن, مىرزاتاي جولداسبەكوۆ, سەرگەي تەرەششەنكو, ورالباي ابدىكارىموۆ, پاۆەل اترۋشكەۆيچ, مۇرات كاريموۆ, ولەگ دىموۆ, لەو شيك, ميحايل پاريپسا, الەكساندر بارون, سۇلتان وزدوەۆ, ليۋدميلا حوچيەۆا, مۋسانيپ ۋۆايسوۆ, كنياز ميرزوەۆ, الەكساندر دەدەرەر, يۋري بۋناكوۆ, گۋلنارا انناكۋليەۆالارعا شەكسىز العىسىمدى بىلدىرگىم كەلەدى. ەلىمىزدىڭ ءاربىر ازاماتىنا, قازاقستاننىڭ شالعاي اۋداندارىنداعى ءار ەلدى مەكەنگە جەتۋ ءۇشىن, ءار ادام اسسامبلەيانىڭ شاراپاتىن, مەملەكەتتىڭ الەۋمەتتىك باعدارى مەن ءوز وتانىنىڭ تاعدىرىنا ورتاقتاستىعىن سەزىنۋى ءۇشىن مەرەيتويلىق جىلدا بىرقاتار اۋقىمدى الەۋمەتتىك اكتسيالار ىسكە اسىرىلۋدا. «مەنىڭ قازاقستانىم» پويىزى» رەسپۋبليكالىق اكتسياسى كوپتىڭ كوڭىلىنەن شىقتى, 29 ەلدى مەكەندە 4,5 مىڭنان استام ادامعا الەۋمەتتىك, مەديتسينالىق كومەك كورسەتىلىپ, قۇقىقتىق كەڭەستەر بەرىلدى. 50 مىڭنان اسا ادامعا مەديتسينالىق كومەك كورسەتىلدى. عالىم-شىعىستانۋشى شوقان ءۋاليحانوۆتىڭ تۋعانىنا 180 جىل, ۇلى اقىن اباي قۇنانباەۆتىڭ تۋعانىنا 170 جىل تولۋىنا ارنالعان ءىس-شارالار وتكىزىلدى. اسسامبلەيا بىرەگەي جوبا – «قحا – 20 ىزگى ءىس» رەسپۋبليكالىق اكتسياسىنىڭ اياسىندا «تايقازان – ىزگى ىستەر نىشانى» ەستافەتاسىنىڭ باستاماشىسى بولدى. اكتسيا اياسىندا 35 مىڭ ادامعا كومەك كورسەتىلدى, 2500 ءىس-شارا وتكىزىلدى. قاراعاندى وبلىسىندا سۋ تاسقىنىنان زارداپ شەككەن تۇرعىندارعا 13 ملن. 200 مىڭ تەڭگە قاراجات اۋدارىلىپ, 100 توننا گۋمانيتارلىق كومەك جىبەرىلدى. تاۋەلسىزدىك تاريحىندا اسسامبلەيا ارقاشاندا تۇراقتاندىرۋشى ءرول اتقارىپ, تاريحتىڭ وتپەلى كەزەڭدەرىندە حالىقتىڭ بىرلىگى مەن كەلىسىمىن ساقتاۋدى قامتاماسىز ەتتى. 1995 جىلى اسسامبلەيا جاس تاۋەلسىز مەملەكەتتىڭ ءوز جولىن – قازاقستاندىق جولدى تاڭداۋىنا: جاڭا, قولدانىستاعى اتا زاڭىمىزدى قابىلداۋعا جانە مەملەكەت باسشىسىنىڭ وكىلەتتىگىن سوزۋعا ىقپال ەتكەن بۇكىلحالىقتىق ەكى رەفەرەندۋم وتكىزۋگە باستاماشىلىق جاسادى. اسسامبلەيانىڭ پرەزيدەنت سايلاۋىن وتكىزۋ تۋرالى بيىلعى جىلعى باستاماسى حالىقتىڭ ەركىنىڭ, ونىڭ تۇراقتىلىققا, ەرتەڭگى كۇنگە دەگەن سەنىمىن, الەۋمەتتىك-ەكونوميكالىق ۇدەرىستىڭ سارا جولىنان تايماي, تۇراقتى دامۋدىڭ داڭعىل جولىنا تۇسۋگە, قوعامدىق كەلىسىم مەن ۇلتتىق بىرلىكتى نىعايتۋعا ۇمتىلىسىن بىلدىرەتىن ناقتى شارا بولدى. وتكەن سايلاۋ قازاقستان حالقىنىڭ بىرىگۋى مەن شوعىرلانۋىنىڭ, بارشا ازاماتتاردىڭ ءوز تاعدىرىن شەشۋگە سانالى ۇمتىلىسىنىڭ ايقىن كورىنىسى بولدى. مۇنىڭ ايعاعى – ەل تاريحىندا بۇرىن-سوڭدى بولماعان رەكوردتىق كورسەتكىشكە قول جەتكىزۋ, سايلاۋشىلاردىڭ 95 %-دان استامىنىڭ داۋىس بەرۋگە قاتىسۋى. قازاقستان حالقى بولاشاق ۇرپاق الدىنداعى جاۋاپكەرشىلىگىن سەزىنە, حالىقتىڭ جانە ەلدىڭ بيىك مۇددەسىن ەسكەرە وتىرىپ, ءوزىنىڭ ازاماتتىق جانە پاتريوتتىق پارىزىن ورىنداۋ ماقساتىندا ءوز تاڭداۋىن جاسادى. بۇل سايلاۋ حالىق ىشىنەن شىققان كوشباسشىمىز, قازاقستان رەسپۋبليكاسىنىڭ تۇڭعىش پرەزيدەنتىنىڭ ءشۇباسىز جەڭىسىنىڭ سالتاناتىن كورسەتتى. قازاقستاندىقتار 97,4%-ى ەلباسى ءۇشىن, بەيبىتشىلىك, كەلىسىم مەن تۇراقتىلىق ءۇشىن داۋىس بەردى. سايلاۋدىڭ مەملەكەت باسشىسى جاريالاعان قازاقستان حالقى اسسامبلەياسىنىڭ جىلى, ءبىز بەيبىتشىلىك پەن كەلىسىم ساياساتىنىڭ 20 جىلدىعىن مەرەكەلەيتىن جىلى ءوتۋىنىڭ ماڭىزى زور. ويتكەنى, اسسامبلەيانىڭ نەگىزگى ميسسياسى مەن مىندەتى – قازاقستان حالقىن ءبىرتۇتاس ەتۋ ويداعىداي ىسكە اسىرىلدى. بۇگىنگى تاڭدا اسسامبلەيا – تۇراقتىلىقتىڭ سەنىمدى فاكتورى, قوعامدىق كەلىسىمنىڭ بەرىك ىرگەتاسى, تۇراقتى دامۋدىڭ كەپىلى. اسسامبلەيا ەلىمىزدىڭ كونستيتۋتسيالىق ورگانىنا, جالپىازاماتتىق, ساياساتتان تىس جانە جالپىحالىقتىق ينستيتۋتىنا اينالدى, ال كوپەتنوستى ەلدىڭ حالقىنىڭ بىرلىگى قازاقستاندىق مەملەكەتتىلىكتىڭ ءبازيسى بولىپ تابىلادى. قازاقستان حالقى قاسيەتتى قازاقستان جەرىندەگى بەيبىت ءومىر ءۇشىن ءوز ەلباسىنا شىنايى العىسىن بىلدىرەدى. ەلباسىمەن بىرگە ءبىز بيىك بەلەستەرگە بەت بۇردىق, ەل پرەزيدەنتى ن.نازارباەۆتىڭ قازاقستاندىق ۇلگىسىنىڭ «بەس باستى جەڭىسىنە» قول جەتكىزدىك – قازاقستاننىڭ ءبىرتۇتاس حالقىنا بىرىگۋ تابىستى ءوتتى, ەلىمىز قاۋىپسىز جانە تۇراقتى ەلگە اينالدى; ەلدىڭ كوپەتنوستىلىعى قازاقستاننىڭ ستراتەگيالىق رەسۋرسىنا اينالدى; ازاماتتارعا قۇقىق پەن مۇمكىندىكتەردىڭ ناقتى تەڭدىگى قامتاماسىز ەتىلۋدە, ال ەلباسى حالىقتىڭ تولىق تا شىنايى سەنىمىنە يە بولدى. الەۋمەتتىك زەرتتەۋلەردىڭ دەرەكتەرى بويىنشا, ساۋالناماعا جاۋاپ بەرۋشىلەردىڭ 95,0%-ى وزدەرىن ءبىرتۇتاس حالىقتىڭ وكىلى سانايدى, 94,2%-ى قازاقستاننىڭ ازاماتتارىمىز دەپ سانايدى. ەلباسىنىڭ سىندارلى دا كورەگەن ساياساتىنىڭ ارقاسىندا قازاقستان حالقى اسسامبلەياسى قازاقستان رەسپۋبليكاسىنىڭ جاڭا دەموكراتيالىق ينستيتۋتتارىنىڭ جۇيەسىنە ۇيلەسىمدى قوسىلدى. الەمدىك قاۋىمداستىق ەلدىڭ تۇڭعىش پرەزيدەنتىن ەتنوسارالىق تولەرانتتىلىق پەن قوعامدىق كەلىسىمنىڭ قازاقستاندىق ۇلگىسىنىڭ نەگىزىن قالاۋشى رەتىندە تانيدى. تاۋەلسىزدىك جىلدارىندا اسسامبلەيانىڭ حالىقارالىق بەدەلى دە ءوستى. قازاقستاندىق تاجىريبە حالىقارالىق ساراپشىلاردىڭ جوعارى باعاسىنا يە بولدى, ونى الەمدىك قاۋىمداستىق زور ىقىلاسپەن زەرتتەۋدە. الەمنىڭ 20 ەلى تاجىريبە الماسۋ ءۇشىن وزدەرىنىڭ ساراپشىلارىن, ساياساتكەرلەرىن, ديپلوماتتارىن اسسامبلەيا حاتشىلىعىنا جىبەردى, وسى تاقىرىپقا ارنالعان الپىستان اسا كەزدەسۋلەر وتكىزىلدى. ءبىزدىڭ مودەل 56 تىلگە اۋدارىلدى, بىرىككەن ۇلتتار ۇيىمىندا, ەقىۇ قاتىسۋشى ەلدەردە, ءىرى حالىقارالىق فورۋمدار وتكىزىلگەن مەملەكەتتەر استانالارىندا – كوپەنگاگەندە, ۆەنادا, جەنەۆادا, نيۋ-يوركتە تانىستىرىلىمدار ءوتتى. قازاقستان حالقى اسسامبلەياسى – ەلباسى نۇرسۇلتان نازارباەۆتىڭ بىرەگەي ساياسي جاڭاشىلدىعىنىڭ ناتيجەسى. بۇگىندە كونستيتۋتسيا مەن قازاقستان حالقى اسسامبلەياسى جاي عانا قۇرداستار ەمەس, بۇلار – تۇراقتىلىقتىڭ, جاڭعىرتۋدىڭ جانە ءوركەندەۋدىڭ ىرگەتاسىنا اينالعان ەكى ۇلى قۇندىلىق. سەنىم, داستۇرلەر, ترانسپارەنتتىلىك, تولەرانتتىلىق – ءبىزدىڭ كوپەتنوستى, وركەندەگەن مەملەكەتىمىزدىڭ نەگىزگى قاعيداتتارىن وسىلار قۇرايدى. وسى قۇندىلىقتارعا شىنايى بەرىلگەندىكتىڭ نىشانى رەتىندە ءبىز 1 مامىردى قازاقستان حالقىنىڭ بىرلىگى كۇنى دەپ اتاپ وتەمىز. بۇل مەرەكە قازاقستاندىقتاردىڭ جۇرەگىنە ەرەكشە جاقىن مەيرام. بۇل كۇن – ءبىزدىڭ حالقىمىزدىڭ بىرلىگى, دوستىعى مەن تاتۋلىعى مەرەكەلەنەتىن كۇن. پاتريوتيزم مەن ىنتىماق, وتان تاعدىرىنا جاۋاپكەرشىلىك – بۇل قازاقستاننىڭ قارقىندى دامۋىنىڭ ستراتەگيالىق رەسۋرستارى, ءبىزدىڭ كۇش-جىگەرىمىزدىڭ جانە ەرتەڭگى كۇنگە دەگەن سەنىمىمىزدىڭ قاينار بۇلاعى. بارلىق قازاقستاندىقتارعا دەنساۋلىق پەن باقىت, تولاعاي تابىستار مەن جارقىن بولاشاق تىلەيمىن! ءبىز – ءبىر حالىقپىز, ءبىزدىڭ تاعدىرىمىز ورتاق!
ەرالى توعجانوۆ,
قازاقستان حالقى اسسامبلەياسى توراعاسىنىڭ ورىنباسارى – حاتشىلىق مەڭگەرۋشىسى.
