ماتچ الماتىداعى ورتالىق ستاديون الاڭىندا ءوتتى. كەزدەسۋدىڭ تاعدىرى ءىس جۇزىندە ءبىرىنشى تايمدا-اق شەشىلدى. الاڭ يەلەرى ويىننىڭ العاشقى مينۋتتارىنان باستاپ جوعارى قارقىنمەن وينادى.
«قايرات» باپكەرى رافاەل ۋرازباحتين كومانداسىنىڭ ءالسىز تۇسىن اتادى
ەسەپ 10-مينۋتتا اشىلدى, ەدميلسوننىڭ قاۋىپتى پاسىنان كەيىن جورجينو ءدال سوققىمەن كوزگە ءتۇستى. 22-مينۋتتا ويۆي يۋككولا داستان ساتپاەۆتى بوس قاقپاعا شىعارىپ, ول مۇمكىندىگىن ءمۇلت جىبەرمەدى.
33-مينۋتتا الماتىلىقتار ەسەپتى ءىرى ايىرماعا جەتكىزدى. بۇل جولى ساتپاەۆ ناتيجەلى پاس بەرىپ, جورجينو دۋبل اۆتورى اتاندى. ال ءبىرىنشى تايمنىڭ قوسىمشا ۋاقىتىندا كوماندا كاپيتانى الەكساندر مارتىنوۆيچ ەسەپتى 4:0-گە جەتكىزدى.
فۋتبولدان الەم چەمپيوناتى فينالىنىڭ بيلەتتەرى تاعى قىمباتتادى
ەكىنشى تايمدا «قايرات» ويىن تىزگىنىن تولىق باقىلاۋدا ۇستاپ, قارسىلاسقا مۇمكىندىك بەرگەن جوق. «استانا» قاۋىپتى شابۋىلدار ۇيىمداستىرا الماي, ماتچ سوڭىنا دەيىن ەسەپ وزگەرىسسىز قالدى.
وسى جەڭىستەن كەيىن «قايرات» 10 ۇپاي جيناپ, تۋرنير كەستەسىندە ءبىرىنشى ورىنعا كوتەرىلدى. ال «استانا» 7 ۇپايمەن بەسىنشى ساتىعا سىرعىدى.
