كوللاجدى جاساعان – قونىسباي شەجىمباي, «EQ»
كەزدەسۋ ءماجىلىس دەپۋتاتى نارتاي سارسەنعاليەۆتىڭ توراعالىعىمەن ءوتتى. نەگىزگى نازار تاريفتەردىڭ نەگىزدىلىگىنە, ولاردىڭ حالىققا اسەرىنە جانە بايلانىس ساپاسىنا اۋدارىلدى.
قازىرگى تاڭدا ەلدەگى ۇيالى بايلانىس نارىعىندا نەبارى ءۇش وپەراتور عانا جۇمىس ىستەيدى. ساراپشىلار مۇنى باسەكەنىڭ تومەندەۋىنە اكەلەتىن نەگىزگى فاكتورلاردىڭ ءبىرى دەپ باعالايدى. سونىڭ سالدارىنان تاريفتەردىڭ ءوسۋى بايقالادى. ماسەلەن, وتكەن جىلى مونوپولياعا قارسى ورگانعا 1 000-نان استام, ال تۇتىنۋشىلاردىڭ قۇقىقتارىن قورعاۋ كوميتەتىنە 1 700-دەن استام شاعىم تۇسكەن.
«Respublica» پارتياسىنان سايلانعان ءماجىلىس دەپۋتاتى نۇرگۇل تاۋ جيىندا بىرقاتار وتكىر ماسەلەنى كوتەردى. ونىڭ ايتۋىنشا, كەيبىر بايلانىس وپەراتورلارى تاريفتەردى نەگىزسىز كوتەرىپ وتىر.
«تالداۋ Beeline تاريفتەرىنىڭ 151%-عا وسكەنىن كورسەتەدى, بىراق بۇل وسىمگە ناقتى تۇسىنىكتەمە بەرىلمەدى. ەكىنشىدەن, نەگە بۇل سالاعا جاڭا ينۆەستورلار كەلمەيدى؟ ەگەر نارىق تارتىمدى بولسا, ينۆەستيتسيا سالۋعا دايىن كومپانيالار تابىلار ەدى. ۇشىنشىدەن, نەگە بايلانىس ساپاسى تومەن؟ ينتەرنەت ترافيگى تەز تاۋسىلادى, شەكسىز ينتەرنەتكە اي سايىن ابونەمەنت تولەيسىڭ, بىراق سوڭعى 5-6 كۇن مۇلدەم ىستەمەيدى. اۋىلدىق جەردەگى جاعداي ءتىپتى قيىن», دەدى دەپۋتات.
جيىن بارىسىندا دەپۋتاتتار ازاماتتاردان تۇسەتىن شاعىمداردىڭ جۇيەلى تۇردە شەشىلمەي وتىرعانىن اتاپ ءوتتى. اسىرەسە, ينتەرنەت جىلدامدىعىنىڭ تۇراقسىزدىعى, قىزمەت ساپاسىنىڭ تومەندىگى جانە تاريفتەردىڭ نەگىزسىز ءوسۋى قوعامدا الاڭداۋشىلىق تۋعىزىپ وتىر.
Beeline, Tele2 جانە Altel ابونەنتتىك اقىنى قىمباتتاتىنىن مالىمدەدى
كەزدەسۋدىڭ باستى ماقساتى – بايلانىس وپەراتورلارىنىڭ كوممەرتسيالىق مۇددەلەرى مەن ازاماتتاردىڭ ساپالى ءارى قولجەتىمدى قىزمەت الۋ قۇقىعى اراسىنداعى تەڭگەرىمدى تابۋ.
دەپۋتاتتار بۇل باعىتتاعى جۇمىستى كۇشەيتىپ, نارىقتاعى اشىقتىقتى ارتتىرۋ جانە ناقتى تەتىكتەر ارقىلى تاريف ساياساتىن رەتتەۋ قاجەتتىگىن العا تارتتى.
