فوتو: اشىق دەرەككوز
ەنەرگەتيكا مينيسترلىگىنىڭ مالىمەتىنشە, 2026-2030 جىلدارعا ارنالعان كومىر گەنەراتسياسىن دامىتۋ جونىندەگى ۇلتتىق جوبا ەلدىڭ ەنەرگەتيكالىق ينفراقۇرىلىمىن جاڭعىرتىپ, ءبىرتۇتاس ەلەكتر ەنەرگەتيكالىق جۇيەنىڭ تۇراقتىلىعىن قامتاماسىز ەتۋگە باعىتتالعان. جوبا ەلەكتر ەنەرگياسىنا ءوسىپ كەلە جاتقان سۇرانىستى ستراتەگيالىق تۇرعىدان وتەۋدى كوزدەيدى.
نەگىزگى باسىمدىق بازالىق ەنەرگيا كوزدەرىن دامىتۋعا بەرىلىپ وتىر. جوسپارعا سايكەس, 2030 جىلعا دەيىن جالپى قۋاتى 7,8 گۆت جاڭا جانە جاڭارتىلعان گەنەراتسيا كوزدەرى ىسكە قوسىلادى. ونىڭ ىشىندە 8 جاڭا ەلەكتر ستانتسياسىنىڭ قۇرىلىسى جانە جۇمىس ىستەپ تۇرعان 11 ستانتسيانى جاڭارتۋ قاراستىرىلعان.
جاڭا نىسانداردىڭ ىشىندە ەلىمىزدىڭ بىرنەشە ءوڭىرىن قامتيتىن ماڭىزدى جوبالار بار. اتاپ ايتقاندا, كۋرچاتوۆ قالاسىندا قۋاتى 700 مۆت كوندەنساتسيالىق ەلەكتر ستانتسياسى, ەكىباستۇزدا قۋاتى 2 640 مۆت گرەس-3, قاراعاندى مەن ەكىباستۇزدا تيىسىنشە 350 مۆت جانە 180 مۆت جىلۋ ەلەكتر ستانتسيالارى سالىنادى. سونىمەن قاتار جەزقازعان (500 مۆت), كوكشەتاۋ (240 مۆت), سەمەي (360 مۆت) جانە وسكەمەن (360 مۆت) قالالارىندا جاڭا جىلۋ ەلەكتر ورتالىقتارى بوي كوتەرەدى.
ولجاس بەكتەنوۆ تۇركىستاندا سالىنىپ جاتقان ەلەكتر ستانساسىنىڭ قۇرىلىسىن تەكسەردى
جوبا اياسىندا تەك جاڭا قۋات كوزدەرىن ىسكە قوسۋ عانا ەمەس, قولدانىستاعى ستانتسيالاردىڭ تيىمدىلىگىن ارتتىرۋ دا كوزدەلگەن. جاڭعىرتۋ جۇمىستارىنىڭ ناتيجەسىندە جابدىقتاردىڭ توزۋ دەڭگەيىن 13% تومەندەتۋ جوسپارلانىپ وتىر.
بۇل باستاما ەلدىڭ ەكونوميكالىق دامۋىنا دا تىكەلەي اسەر ەتەدى. جاڭا ەنەرگەتيكالىق قۋاتتار ونەركاسىپتىڭ وسۋىنە, تسيفرلىق ەكونوميكانىڭ دامۋىنا جانە جاساندى ينتەللەكت تەحنولوگيالارىن ەنگىزۋگە بەرىك نەگىز قالىپتاستىرادى.
جي-ءدى دامىتۋ ءۇشىن ەلەكتر ەنەرگياسىنىڭ مول قورى كەرەك: ساراپشى ءتۇسىندىردى
سونىمەن بىرگە كومىر گەنەراتسياسى تەحنولوگيالىق جاڭعىرتۋ مەن ەكولوگيالىق تالاپتاردى ساقتاۋ جاعدايىندا ەنەرگەتيكالىق قاۋىپسىزدىكتى قامتاماسىز ەتۋدە ماڭىزدى ءرولىن ساقتاپ قالادى. بۇل قازاقستاننىڭ ۇزاق مەرزىمدى ەنەرگەتيكالىق تۇراقتىلىعىن نىعايتاتىن ستراتەگيالىق قادامداردىڭ ءبىرى بولماق.
