كەڭەسكە تۋريزم جانە سپورت ءمينيسترى ەربول مىرزابوسىنوۆ, وبلىس اكىمدەرىنىڭ ورىنباسارلارى, سونداي-اق مۇددەلى مەملەكەتتىك ورگانداردىڭ وكىلدەرى قاتىستى.
جيىن بارىسىندا ايدا بالاەۆا قاتىسۋشىلاردىڭ جازعى ماۋسىمعا دايىندىق دەڭگەيى تۋرالى ەسەپتەرىن تىڭدادى.
توتەنشە جاعدايلار جانە ىشكى ىستەر مينيسترلىكتەرى تاراپىنان وڭىرلەردە جۇيەلى جۇمىس جۇرگىزىلىپ جاتقانى اتاپ ءوتىلىپ, دەمالۋشىلاردىڭ قاۋىپسىزدىگىن قامتاماسىز ەتۋ, قوعامدىق ءتارتىپ پەن تازالىقتى ساقتاۋ ماسەلەلەرىنىڭ ماڭىزدىلىعىنا ەرەكشە نازار اۋدارىلدى.
دايىندىق جۇمىسىنىڭ بارىسىن باقىلاۋدى تۋريزم جانە سپورت مينيسترلىگى وبلىس اكىمدىكتەرىمەن, وزگە دە مەملەكەتتىك ورگاندارمەن بىرلەسە وتىرىپ ۇيلەستىرىپ وتىر.
جيىن قورىتىندىسى بويىنشا پرەمەر-ءمينيستردىڭ ورىنباسارى ايدا بالاەۆا بىرقاتار ناقتى تاپسىرما بەردى.
