فوتو: Pixabay.com
قازىرگى ۋاقىتتا ەكى ادام كوكشەتاۋداعى وبلىستىق كوپسالالى اۋرۋحانانىڭ جانساقتاۋ بولىمىندە جاتىر. ولاردىڭ جاعدايى اۋىر دەپ باعالاندى. ناۋقاستار قاجەتتى مەديتسينالىق كومەكتى الىپ, دارىگەرلەردىڭ تاۋلىك بويعى باقىلاۋىندا. تاعى ءبىر زارداپ شەككەن ناۋقاس اۋرۋحانادان شىعارىلدى, ال ءبىر ايەل تراۆماتولوگيا بولىمىندە, كۇيىك شالۋ بويىنشا مامانداردىڭ باقىلاۋىندا ەمدەلىپ جاتىر.
وبلىستىق دەنساۋلىق ساقتاۋ باسقارماسى حابارلاعانداي, «اۆيتسەننا-بۋراباي» ستاتسيونارىندا ناۋقاستار جوق – بارلىعى كوكشەتاۋداعى كوپسالالى وبلىستىق اۋرۋحاناعا جەتكىزىلدى.
ششۋچينسكتەگى ءورت: اۋرۋحانادا اۋىر حالدە جاتقان تاعى 2 ادام قايتىس بولدى
ەسكە سالايىق, 27 اقپان كۇنى بەس قاباتتى تۇرعىن ۇيگە جاپسارلاس سالىنعان ءبىر قاباتتى دامحانادا گاز-اۋا قوسپاسىنىڭ جارىلىسى بولىپ, ارتىنشا ءورت شىققان ەدى. سول كۇنى وقيعا سالدارىنان شامامەن 20 ادام زارداپ شەگىپ, جەتى ادام قازا تاپقانى حابارلانعان.
كەيىننەن زارداپ شەككەندەردىڭ سانى 28 ادامعا جەتكەنى مالىمدەلىپ, جارىلىسقا قاتىستى قىلمىستىق ءىس قوزعالدى.
سونداي-اق بۋراباي اۋدانىنىڭ اكىمدىگى جارىلىستان قازا تاپقانداردىڭ وتباسىنا 2 ملن تەڭگە بەرىلەتىنىن جەتكىزدى.
