فوتو: اشىق دەرەككوز
ەڭ جوعارى نەكەلەسۋ كورسەتكىشتەرى استانا قالاسىندا – 6,75, قاراعاندى – 6,32 جانە شىعىس قازاقستان – 6,27 وبلىستارىندا تىركەلسە, ەڭ تومەن كورسەتكىش قىزىلوردا وبلىسىندا – 5,06 بولدى. العاش رەت نەكەگە تۇرعانداردىڭ ورتاشا جاسى ەرلەردە – 27,9 جاس, ايەلدەردە – 25,3 جاس بولىپ بەلگىلەندى. ەرلەر اراسىندا العاش نەكەگە تۇرعانداردىڭ ۇلەسى − 77%, ايەلدەردە – 78% بولدى, ال اجىراسقاننان كەيىن نەكەگە قايتا تۇرعان ەرلەردىڭ ۇلەسى − 22%, ايەلدەردە − 21% بولدى.
ەرىكسىز نەكە مەن ەرتە ءولىم: نەلىكتەن قازاق قىزدارىنىڭ قۇقىعى قورعالماي جاتىر؟
2025 جىلى نەكە قيۋ كوبىنە جاز ايلارىندا تىركەلگەن: ماۋسىم – 11 848, شىلدە – 12 955, تامىز – 12 418. سونىمەن قاتار, بىلتىر وتاۋ قۇرعانداردىڭ 80,4%-ى مونوەتنوستىق نەكە, ال 19,6%-ى ۇلتارالىق نەكە بولدى.
اجىراسۋلاردىڭ جالپى سانى – 45,7 مىڭ. ونىڭ 34 مىڭى (74,4%) قالالىق جەردە, 11,7 مىڭى (25,6%) اۋىلدىق جەردە تىركەلگەن. جىلدىق اجىراسۋ كوەففيتسيەنتى 1000 ادامعا شاققاندا 2,24 بولدى. ەڭ جوعارى كوەففيتسيەنت پاۆلودار وبلىسىندا – 3,43, قاراعاندى – 3,41, سولتۇستىك قازاقستان – 3,28, ال ەڭ تومەنگى كورسەتكىش تۇركىستان وبلىسىندا – 1,03.
اجىراسۋلاردىڭ ەڭ ۇلكەن ۇلەسى – 1-4 جىل وتاۋ قۇرعاندار اراسىندا (35%), 5-9 جىل بىرگە تۇرعاندار – 24%, ال ۇيلەنگەننەن كەيىن ءبىر جىل ىشىندە اجىراسقاندار ۇلەسى – 8%-دى قۇرادى.
