بۇل – ەلىمىزدە العاش رەت نەگىزگى زاڭ جوباسىنىڭ كورۋ قابىلەتى شەكتەۋلى ازاماتتار ءۇشىن برايل قارپىمەن ۇسىنىلۋى. ەرەكشە فورماتتاعى باسىلىم كورۋ مۇمكىندىگى شەكتەۋلى جانداردىڭ كونستيتۋتسيا ماتىنىمەن تولىق تانىسىپ, ەنگىزىلگەن وزگەرىستەردى ەركىن تالقىلاۋىنا مۇمكىندىك بەرەدى.
تۋىندىنىڭ تانىستىرىلىمىندا جاڭا كونستيتۋتسيا جوباسىنداعى وزگەرىستەر كەڭىنەن ءتۇسىندىرىلىپ, مۇمكىندىگى شەكتەۋلى ازاماتتاردىڭ قۇقىعىن قورعاۋ ماسەلەسى تالقىلاندى. قاتىسۋشىلار ءوزارا پىكىر الماسىپ, ۇسىنىستارىن ورتاعا سالدى.
ەرەكشە باسىلىم كىتاپحانانىڭ وبلىستاعى جالعىز تيفلوورتالىعىندا برايل پرينتەرىنىڭ كومەگىمەن جارىق كوردى. كىتاپحانا ديرەكتورى عالىم نۇرلانوۆ بۇل جوبانىڭ الەۋمەتتىك ماڭىزى زور ەكەنىن ايتادى.
ء«بىزدىڭ باستى مىندەتىمىز – كورۋ قابىلەتى بۇزىلعان ازاماتتاردىڭ اقپاراتقا تەڭ قولجەتىمدىلىگىن قامتاماسىز ەتۋ. جاڭا كونستيتۋتسيا جوباسىنىڭ برايل قارپىمەن جارىق كورۋى – وسى باعىتتاعى ماڭىزدى جوبا. بۇل باسىلىم وقىرماندارىمىزعا اتا زاڭ ماتىنىمەن تولىق تانىسىپ, ونىڭ مازمۇنىن تەرەڭ تۇسىنۋگە مۇمكىندىك بەرەدى. ەڭ باستىسى, مۇنداي باستامالار قوعامداعى ينكليۋزيۆتىلىك قاعيداتتارىن نىعايتىپ, ءار ازاماتتىڭ قۇقىقتىق ساۋاتتىلىعىن ارتتىرۋعا ىقپال ەتەدى», دەدى ول.
مامانداردىڭ ايتۋىنشا, برايل قارپىندە باسىلعان جاڭا كونستيتۋتسيا جوباسى كىتاپحانا قورىندا قولجەتىمدى بولادى.
قاراعاندى وبلىسى
