رەفەرەندۋمنىڭ باستى ماقساتى – ەلدىڭ نەگىزگى زاڭىنا ەنگىزىلەتىن وزگەرىستەر مەن تولىقتىرۋلاردى حالىقتىڭ تىكەلەي داۋىس بەرۋى ارقىلى قابىلداۋ. ساراپشىلاردىڭ پىكىرىنشە, ۇسىنىلعان وزگەرىستەر مەملەكەتتىك باسقارۋ جۇيەسىن جەتىلدىرۋگە, دەموكراتيالىق ينستيتۋتتاردى نىعايتۋعا جانە ازاماتتاردىڭ قۇقىقتارى مەن بوستاندىقتارىن قورعاۋدى كۇشەيتۋگە باعىتتالعان.
باحتيور حۋدويورزودا: ازاماتتاردىڭ بەلسەندىلىگى جوعارى ەكەنىن كورىپ وتىرمىز
ماڭىزدى ساياسي ناۋقاننىڭ اشىق ءارى ءادىل ءوتۋىن قامتاماسىز ەتۋ ءۇشىن رەفەرەندۋم بارىسىن حالىقارالىق باقىلاۋشىلار دا قاداعالاپ وتىر. سونداي-اق كورشى ەلدەردەگى سايلاۋ كوميسسيالارىنىڭ توراعالارى دا بىرقاتار داۋىس بەرۋ ۋچاسكەلەرىن ارالاپ, رەفەرەندۋمنىڭ ۇيىمداستىرىلۋ بارىسىمەن تانىستى.
ارمەنيا رەسپۋبليكاسىنىڭ ورتالىق سايلاۋ كوميسسياسىنىڭ توراعاسى ۆااگن ميساكوۆيچ وۆاكيميان قازاقستانداعى رەفەرەندۋمنىڭ ۇيىمداستىرىلۋىنا وڭ باعا بەرىپ, ازاماتتاردىڭ ءوز پىكىرىن ەركىن بىلدىرۋىنە مۇمكىندىك جاسالعانىن اتاپ ءوتتى. ونىڭ ايتۋىنشا, مۇنداي ماڭىزدى ساياسي ناۋقاندارعا حالىقارالىق باقىلاۋشىلاردىڭ قاتىسۋى رەفەرەندۋمنىڭ اشىقتىعى مەن سەنىمدىلىگىن ارتتىرۋعا ىقپال ەتەدى.
ء«بىزدىڭ ماقساتىمىز قازاقستانداعى رەفەرەندۋمنىڭ ۇيىمداستىرىلۋ بارىسىمەن تانىسىپ, تاجىريبە الماسۋ. بۇگىن بىرنەشە رەفەرەندۋم ۋچاسكەسىندە بولدىم. بايقاعانىم سىزدەردە بارلىق ۋچاسكەلەردە مەملەكەتتىك تۋ مەن ەلتاڭبا ءىلىنىپ تۇرادى ەكەن. وسى ءۇردىس ماعان قاتتى ۇنادى. تاعى ءبىر ايتا كەتەرلىك جايت, رەفەرەندۋم وتە تىنىش, بەيبىت جاعدايدا ءوتىپ جاتقانى تاڭعالدىردى. ەشكىم ۇرسىپ نەمەسە قارسىلىق تانىتىپ جاتقان جوق. ءبىزدىڭ ەلىمىزدە سايلاۋ نەمەسە رەفەرەندۋم تارتىستى وتەدى. پارتيالار اراسىندا اجەپتاۋىر كۇرەس بولادى. سىزدەردە بارلىعى باسقاشا. قازاقستان حالقىنىڭ اۋىزبىرشىلىگىنە ءتانتى بولدىم», دەدى ارمەنيا رەسپۋبليكاسىنىڭ ورتالىق سايلاۋ كوميسسياسىنىڭ توراعاسى.
حالىقارالىق بايقاۋشى: داۋىس بەرۋ ۇدەرىسىنىڭ اشىقتىق دەڭگەيى وتە جوعارى
ونىڭ ايتۋىنشا ازاماتتاردىڭ رەفەرەندۋمعا بەلسەندى قاتىسۋى ەلدىڭ ساياسي جۇيەسىن ودان ءارى دامىتۋعا ىقپال ەتەدى.
