سايلاۋ ۋچاسكەسىندە داۋىس بەرۋ بەلگىلەنگەن ءتارتىپ بويىنشا وتكىزىلىپ جاتىر. ەرتەگى كەيىپكەرلەرى جەكە كۋالىكتەرىن كورسەتىپ, بيۋللەتەن العاننان كەيىن داۋىس بەرۋ كابيناسىنا ءوتتى. تىلدەسكەنىمىزدە ولار وزدەرىنىڭ كاسىبي جۇمىستارى مەن ازاماتتىق بورىشتارىن ۇشتاستىرا وتىرىپ, كوپشىلىكتىڭ كوڭىلىن كوتەرۋگە نيەتتەنگەندىكتەرىن ايتتى.
ء«بىز حالىققا ءاردايىم قۋانىش سىيلايمىز, بۇگىن دە سول مىندەتىمىزدى اتقارۋدامىز. رەفەرەندۋم – وتە ماڭىزدى وقيعا. داۋىس بەرۋگە كەلگەندەر ەل بولاشاعىن ايقىنداۋعا تاڭداۋ جاساي وتىرىپ, ءبىر سەرپىلىپ قالسىن دەپ ويلادىق. ال, ءبىزدىڭ كوستيۋمدەرىمىز اسا ماڭىزدى ىسكە ەشبىر بوگەت ەتپەيدى», دەيدى ەلزا بەينەسىندەگى انيماتور.
انيماتورلاردىڭ بۇل قادامىن داۋىس بەرۋشىلەر دۇرىس باعالاپ, العىستارىن جەتكىزۋدە. ولار مۇنداي ءساتتى توسقان دا جوق ەدى.
«داۋىس بەرۋگە كەلىپ ەدىم, بالالارىمىز ءسۇيىپ كورەتىن ەرتەگى كەيىپكەرلەرىمەن جۇزدەسەمىن دەپ ءتىپتى دە ويلاعان جوقپىن. مۇنىڭ ءوزى ادەمى كورىنىس بولدى», دەيدى قالا تۇرعىنى ارمان يبراەۆ.
سايلاۋ كوميسسياسى مۇشەلەرىنىڭ پىكىرىنشە, مۇنداي باستامالار ەشبىر ءتارتىپ بۇزبايدى, قايتا داۋىس بەرۋشىلەردىڭ جۇزدەرىن جارقىن ەتەدى.
كوكشەتاۋ
