بريفينگ بارىسىندا قاتىسۋشىلار شتاب جۇمىسىنىڭ بەلسەندى كەزەڭى باستالعانىن ايتتى. اقپاراتتىق الاڭ 14 ناۋرىزدان باستاپ جۇمىس ىستەپ, رەفەرەندۋم وتەتىن كۇنى بويى جانە داۋىس بەرۋ قورىتىندىلارى تولىق جاريالانعانعا دەيىن قىزمەتىن جالعاستىرادى.
ۇيىمداستىرۋشىلاردىڭ ايتۋىنشا, شتابتىڭ نەگىزگى مىندەتى – ازاماتتار مەن بۇقارالىق اقپارات قۇرالدارىن داۋىس بەرۋ بارىسى تۋرالى جەدەل ءارى شىنايى اقپاراتپەن قامتاماسىز ەتۋ. سونىمەن قاتار جالعان مالىمەتتەر مەن فەيك اقپاراتتاردىڭ تارالۋىنىڭ الدىن الۋ ءۇشىن اقپاراتتىڭ دايەكتىلىگىن تەكسەرۋگە ەرەكشە نازار اۋدارىلماق.
شتاب جۇمىسىنىڭ تىكەلەي ترانسلياتسيالارى Independ.kz YouTube ارناسىندا كورسەتىلەدى. ال جەدەل جاڭالىقتار مەن انونستار الماتى قالاسىنىڭ قوعامدىق كوممۋنيكاتسيالار ورتالىعىنىڭ رەسمي الەۋمەتتىك جەلىلەرىندە جاريالانىپ وتىرادى.
بريفينگتە تاۋەلسىز باقىلاۋشىلار كواليتسياسىنىڭ قۇرامى دا تانىستىرىلدى. ونىڭ قۇرامىنا الماتى قالاسىندا 2,5 مىڭنان استام تاۋەلسىز باقىلاۋشىنى بىرىكتىرەتىن التى ۇكىمەتتىك ەمەس ۇيىم كىرگەن. رەفەرەندۋم كۇنى استانا, الماتى, شىمكەنت قالالارىنان, سونداي-اق ەلىمىزدىڭ وننان استام وڭىرىنەن تىكەلەي قوسىلىمدار ۇيىمداستىرۋ جوسپارلانىپ وتىر. بۇل داۋىس بەرۋ بارىسى تۋرالى جەدەل ءارى تولىق اقپارات تاراتۋعا مۇمكىندىك بەرەدى.
بريفينگكە قاتىسۋشىلار ازاماتتاردى رەفەرەندۋم كەزەڭىندە اقپاراتقا جاۋاپكەرشىلىكپەن قاراۋعا, ارانداتۋشىلىققا ەرمەۋگە جانە تەك سەنىمدى دەرەككوزدەرگە سۇيەنۋگە شاقىردى. سونداي-اق ازاماتتاردىڭ داۋىس بەرۋگە قاتىسۋى دەموكراتيالىق ۇدەرىستەردىڭ ماڭىزدى بولىگى ەكەنى اتاپ ءوتىلدى.
الماتى
