جوبا «عىلىم قورى» اق-مەن بىرلەسىپ, «قازاقستان حالقىنا» قوعامدىق قورىنىڭ قولداۋىمەن ىسكە اسىرىلىپ جاتىر. باعدارلاما ەل ەكونوميكاسىنىڭ باسىم سالالارىنا قولدانبالى جي شەشىمدەر ازىرلەۋگە قابىلەتتى, جاساندى ينتەللەكت جانە كاسىپكەرلىك باعىتىندا ءبىلىمى بار مامانداردىڭ جاڭا بۋىنىن قالىپتاس-تىرۋعا باعىتتالعان.
مينيسترلىك تاراتقان اقپاراتقا سۇيەنسەك, تىركەلۋ جانە ونلاين-تەستىلەۋ وسى جىلعى 2 ناۋرىز بەن 15 ناۋرىز ارالىعىندا (ساعات 23:59-عا دەيىن) وتەدى. تىركەلۋدەن ءوتۋ جانە تەستىلەۋ جولدارى: 1. «PlatonusApp» ءموبيلدى قوسىمشاسى ارقىلى (Platonus پلاتفورماسىن قولداناتىن ججوببۇ ءبىلىم الۋشىلارى ءۇشىن); 2. ەگەر ءسىزدىڭ ۋنيۆەرسيتەتىڭىز «Platonus» پلاتفورماسىندا جۇمىس ىستەمەسە https://aisanatesting.kz سىلتەمەسى نەمەسە https://aisana.gov.kz رەسمي سايتى ارقىلى كىرە الاسىز. وقۋدىڭ باستالۋى 2026 جىلعى 25 ناۋرىزعا, ال ەكىنشى كەزەڭنىڭ اياقتالۋى 2026 جىلعى 10 ماۋسىمعا جوسپارلانعان.
كونكۋرستىق ىرىكتەۋگە: قازاقستان رەسپۋبليكاسىنىڭ جوعارى جانە (نەمەسە) جوعارى وقۋ ورنىنان كەيىنگى ءبىلىم ۇيىمدارىنىڭ قازىرگى ستۋدەنتتەرى, ماگيسترانتتارى جانە دوكتورانتتارى; 2026 جىلى «بولاشاق» حالىقارالىق ستيپەنديالىق باعدارلاماسى بويىنشا ءبىلىم الۋشىلار; «AI-Sana» باعدارلاماسىنىڭ ءبىرىنشى كەزەڭى نەمەسە باسقا دا ءبىلىم باعدارلامالارى اياسىندا جاساندى ينتەللەكت بويىنشا بازالىق كۋرستاردان وتكەن قاتىسۋشىلار; اعىلشىن تىلىنەن بازالىق دەڭگەيى بار ۇمىتكەرلەر (سەرتيفيكات تالاپ ەتىلمەيدى). بازالىق اعىلشىن ءتىلى دەڭگەيى باعدارلاما بويىنشا ودان ءارى ءبىلىم الۋ جي مودەلدەر, كود (Python) جانە بەيىندى ماتەريالدارمەن جۇمىس ىستەۋ ءۇشىن قاجەت.
ەكىنشى كەزەڭدە جي بازالىق مەڭگەرۋدەن تەحنولوگيالاردى پراكتيكالىق قولدانۋعا, جەكە جوبالاردى ازىرلەۋگە ءوتۋدى ۇيرەنەدى. جوبانى ىسكە اسىرۋعا «Stanford» جانە «MIT» ۋنيۆەرسيتەتتەرىنىڭ وكىلدەرى, كرەمني القابىنىڭ ۆەنچۋرلىك قورلارىن جانە حالىقارالىق بيزنەس-مەكتەپتەردى قوسا العاندا جەتەكشى حالىقارالىق ساراپشىلار توبى قاتىسادى. ەكىنشى كەزەڭ ماتەريالدارىن دايىنداۋ حالىقارالىق ساراپشى, پرەزيدەنت جانىنداعى جاساندى ينتەللەكتىنى دامىتۋ جونىندەگى كەڭەس مۇشەسى پول كيمنىڭ جەتەكشىلىگىمەن «Zemex Inc» (اقش) كومپانياسىنىڭ قاتىسۋىمەن جۇزەگە اسىرىلادى. تارقاتىپ ايتساق, باعدارلاما قورىتىندىسى بويىنشا قاتىسۋشىلار: ماشينالىق وقىتۋ مودەلدەرىن ازىرلەپ, ۇيرەتە الادى; «Python», «Google Colab», «Jupyter» قۇرالدارىمەن جۇمىس ىستەيدى; ۇلكەن تىلدىك مودەلدەر مەن API-لەردى قولدانادى; «MVP» ء(ونىمنىڭ العاشقى قاراپايىم نۇسقاسىن) جاساپ, ستارتاپ-يدەيالاردى تەكسەرەدى; ينۆەستيتسيالىق جانە سالالىق ترەندتەردى تالدايدى; ديزاين-ويلاۋ ءادىسىن قولدانادى; جي ەتيكالىق اسپەكتىلەرىن ەسكەرەدى; تەحنولوگيالىق ستارتاپ تۇجىرىمداماسىن قالىپتاستىرادى.
«AI-Sana» باعدارلاماسى ەلىمىزدىڭ عىلىمي-تەحنولوگيالىق جانە يننوۆاتسيالىق دامۋىنىڭ ۇلتتىق باسىمدىقتارى شەڭبەرىندە ىسكە اسىرىلادى جانە ەلدەگى ەڭ ءىرى جي قوزعالىسىن قالىپتاستىرۋعا باعىتتالعان.
باعدارلاما بويىنشا وقىتۋدىڭ ءبىرىنشى كەزەڭىندە نەگىزگى AI داعدىلارى, «Huawei», «Coursera», «Astana Hub» پلاتفورمالارىندا AI كىرىسپە كۋرستارىنان 650 مىڭ ادام وتكەنىن مينيسترلىك حابارلاعان بولاتىن. ەكىنشى كەزەڭدە 100 مىڭ ادامدى وقىتۋ جوسپارلانعان. ءۇشىنشى كەزەڭدە 60 مىڭ قاتىسۋشىعا قۇرىلىمداۋ, بيزنەسكە باعدارلانۋ, سالالىق شەشىمدەردى ازىرلەۋ, جي جوبالارىن باسقارۋ داعدىلارى وقىتىلماق. ال سوڭعى ءتورتىنشى كەزەڭدە 1,5 مىڭ ستارتاپ شىعارۋ مەجەلەنگەن.
