فوتو: chastnosti
بۇل ماسەلە پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعاريننىڭ توراعالىعىمەن وتكەن ەكونوميكالىق ءوسۋدى قامتاماسىز ەتۋ جونىندەگى جەدەل شتابتىڭ كەزەكتى وتىرىسىندا قارالدى. جيىندا وڭدەۋ ونەركاسىبىنىڭ بىرقاتار سەكتورىن دامىتۋدىڭ الدىن الا ناتيجەلەرى تالقىلاندى.
وسى جىلدىڭ العاشقى ەكى ايىندا ازىق-ت ۇلىك پەن سۋسىندار وندىرىسىندە جوعارى ءوسىم بايقالدى. ماسەلەن, ازىق-ت ۇلىك ءوندىرىسىنىڭ كولەمى 665 ملرد تەڭگەگە جەتىپ, ناقتى كولەم يندەكسى (نكي) 111,9% بولدى. ال ءبىرىنشى توقسان قورىتىندىسى بويىنشا بۇل كورسەتكىش 112% دەڭگەيىندە بولادى دەگەن بولجام بار.
سۋسىندار ءوندىرىسى دە قارقىندى دامىپ كەلەدى. قاڭتار-اقپان ايلارىندا ونىڭ كولەمى 175,4 ملرد تەڭگەگە جەتتى. بۇل رەتتە نكي 104,2%, ال قاڭتار-ناۋرىز ايلارىنا ارنالعان جوسپار 110,3% دەڭگەيىندە بەلگىلەنگەن. سالىستىرۋ ءۇشىن, 2025 جىلدىڭ قورىتىندىسىندا قازاقستاندا 1,2 ترلن تەڭگەگە سۋسىن وندىرىلگەن.
اۋىل شارۋاشىلىعى ۆيتسە-ءمينيسترى ازات سۇلتانوۆتىڭ ايتۋىنشا, تاماق ونەركاسىبى تۇراقتى دامۋ سەرپىنىن كورسەتىپ وتىر.
«وسى فاكتورلاردىڭ قوسىمشا ۇلەسى شامامەن 600 ملرد تەڭگەگە باعالانادى. بۇل وسى جىلدىڭ سوڭىنا قاراي وڭدەلگەن اۋىل شارۋاشىلىعى ءونىمىنىڭ ۇلەسىن 70%-عا دەيىن جەتكىزۋگە مۇمكىندىك بەرەدى», دەدى ۆيتسە-مينيستر.
2025 جىلدىڭ قورىتىندىسى بويىنشا ەلىمىزدە تاماق ونىمدەرىن ءوندىرۋ كولەمى 3,9 ترلن تەڭگەنى قۇرادى. بۇل 2024 جىلعى كورسەتكىشتەن 8,1% جوعارى. ال 2026 جىلى بۇل كورسەتكىشتى 4,7 ترلن تەڭگەگە دەيىن جەتكىزۋ جوسپارلانعان.
«Nauryz Sale»: مەرەكە قارساڭىندا ازىق-ت ۇلىكتەر ارزان باعادا ساتىلادى
ءوسىم نەگىزىنەن ەگىس القاپتارىن ءارتاراپتاندىرۋ, جۇمىس ىستەپ تۇرعان كاسىپورىنداردىڭ جۇكتەمەسىن ارتتىرۋ, ىشكى نارىقتى قورعاۋ جانە جاڭا ينۆەستيتسيالىق جوبالاردى ىسكە اسىرۋ ارقىلى قامتاماسىز ەتىلەدى.
شيكىزات بازاسىنىڭ كەڭەيۋى مەن قايتا وڭدەۋ كولەمىنىڭ ارتۋى ناتيجەسىندە كۇنباعىس مايى ءوندىرىسى 890 مىڭ تونناعا دەيىن كوبەيەدى. بۇل وتكەن جىلمەن سالىستىرعاندا شامامەن 100 ملرد تەڭگەگە ارتىق ءونىم دەگەن ءسوز.
سونىمەن قاتار جۇگەرىنى قايتا وڭدەيتىن ەكى جاڭا زاۋىت ىسكە قوسىلادى. ناتيجەسىندە 640 مىڭ توننا شيكىزات وڭدەلىپ, كراحمال ونىمدەرى مەن امينقىشقىلدارىنىڭ ءوندىرىسى 205 مىڭ توننادان 260 مىڭ تونناعا دەيىن ۇلعايادى. بۇل شامامەن 55 ملرد تەڭگەنىڭ قوسىمشا ءونىمىن شىعارۋعا مۇمكىندىك بەرەدى.
ءسۇت سالاسىندا دا ءوسىم بار. جوسپار بويىنشا 2,4 ملن توننا شيكىزات قايتا وڭدەلىپ, شامامەن 36 ملرد تەڭگەنىڭ قوسىمشا ءونىمى وندىرىلەدى.
سالانىڭ جۇيە قۇراۋشى كاسىپورىندارى دا ءوندىرىس كولەمىن ۇلعايتۋدى كوزدەپ وتىر. ماسەلەن:
- «سالامات» ۇن تارتۋ كاسىپورنى ۇن ءوندىرىسىن 232 مىڭ توننادان 257 مىڭ تونناعا دەيىن ارتتىرماق (ءوسىم – 11%);
- Qazaq Astyq Group وسىمدىك مايى ءوندىرىسىن 106 مىڭ توننادان 126 مىڭ تونناعا دەيىن جەتكىزۋدى جوسپارلاپ وتىر (ءوسىم – 19%);
- «ماسلو-دەل» كاسىپورنى وڭدەلگەن ءسۇت ءوندىرىسىن 98,2 مىڭ توننادان 121 مىڭ تونناعا دەيىن ۇلعايتپاق (ءوسىم – 23%);
- جاركەنت كراحمال-سىرنە زاۋىتى كراحمال مەن سىرنە ءوندىرىسىن 61,5 مىڭ توننادان 67,6 مىڭ تونناعا دەيىن ارتتىرادى (ءوسىم – 10%);
- «Coca-Cola الماتى بوتتلەرس» الكوگولسىز سۋسىن ءوندىرىسىن 4,3 ملرد ليتردەن 6,7 ملرد ليترگە دەيىن كوبەيتۋدى جوسپارلاپ وتىر (ءوسىم – 55%).
ءوندىرىس كولەمى «كۋبلەي» ەت وڭدەۋ كاسىپورنى مەن «ايس» ءسۇت كومپانياسىندا دا ارتادى.
جالپى وڭدەۋشى ونەركاسىپتىڭ بىرقاتار سالاسىندا بيىلعى ەكى ايدا ناقتى كولەم يندەكسىنىڭ جوعارى ءوسىمى تىركەلدى. اتاپ ايتقاندا:
- ماشينا جاساۋ – 115,5%;
- قۇرىلىس ماتەريالدارى ءوندىرىسى – 127,4%;
- مەتالل بۇيىمدارى – 131,4%;
- جەڭىل ونەركاسىپ – 156,4%;
- رەزەڭكە جانە پلاستماسسا بۇيىمدارى – 111,5%.
ساۋدا سالاسىندا دا وڭ ديناميكا بايقالادى. 2026 جىلدىڭ قاڭتار-اقپان ايلارىنىڭ قورىتىندىسىندا جالپى ساۋدا اينالىمى 9,7 ترلن تەڭگەگە جەتتى. بۇل وتكەن جىلدىڭ وسى كەزەڭىمەن سالىستىرعاندا 0,9 ترلن تەڭگەگە نەمەسە 10,2% كوپ.
كوتەرمە ساۋدادا نكي 103,8% بولىپ, اينالىم 6,5 ترلن تەڭگەنى قۇرادى. ال بولشەك ساۋدادا نكي 102,6%, اينالىم 3,2 ترلن تەڭگە بولدى.
ازىق-ت ۇلىك باعاسىن نەگىزسىز وسىرگەن كاسىپكەرلەر جاۋاپقا تارتىلدى
ازىق-ت ۇلىك تاۋارلارىن ساتۋ كولەمى 22% ءوسىپ, شامامەن 0,4 ترلن تەڭگەگە ارتتى. بۇل باعىتتا تۇركىستان وبلىسى (112,1%), الماتى وبلىسى (110,9%), اتىراۋ وبلىسى (103,9%), اقتوبە وبلىسى (102,7%) جانە شىمكەنت قالاسى (105,4%) جوعارى ءوسىم كورسەتتى.
ال ازىق-ت ۇلىك ەمەس تاۋارلار ساۋداسىندا ماڭعىستاۋ وبلىسى (119,2%), سولتۇستىك قازاقستان (108,5%), جەتىسۋ (108,1%), شىعىس قازاقستان (107,6%) جانە تۇركىستان وبلىسى (106,0%) الدىڭعى قاتاردان كورىندى.
جەدەل شتاب وتىرىسىندا «KazFoodProducts» كومپانيالار توبى مەن «كومپانيا فۋدماستەر-ترەيد» جشس وكىلدەرى دە ءسوز سويلەپ, تاماق ونەركاسىبىندەگى ينۆەستيتسيالىق جوبالاردى ىسكە اسىرۋ مەن ءوندىرىستى كەڭەيتۋدىڭ وزەكتى ماسەلەلەرىن كوتەردى.
تالقىلاۋ قورىتىندىسىندا سەرىك جۇمانعارين سالالىق مينيسترلىكتەرگە ءوندىرىستى كەڭەيتۋگە جانە جۇمىس ىستەپ تۇرعان كاسىپورىنداردىڭ قۋاتىن تولىق پايدالانۋعا كەدەرگى كەلتىرەتىن ماسەلەلەردى جان-جاقتى پىسىقتاۋدى تاپسىردى.
