الماتى قالاسىنداعى ناۋرىزباي اۋدانىنىڭ قاراعايلى ىقشام اۋدانىندا وسى شىلدەدە سۋ تاسقىنى بولدى. سوندا المالى كوشەسىندە زەينەتكەر جانە 1-ءشى توپتاعى مۇگەدەك 4 ادام قالىپ قويدىق. ەكى جاقتان سۋ قۇيىلعاندا قالاي قاشاتىنىمىزدى بىلمەدىك. كولىكتەرمەن كەتىپ بارا جاتقان ادامداردىڭ ەشقايسىسى كومەك كورسەتە المادى. سودان ەسىمىز شىعىپ نە ءارى, نە بەرى جۇرەرىمىزدى بىلمەدىك. ول كەزدە قۇتقارۋشىلار ءالى جۇمىسقا كىرىسپەگەن ەدى. سوندا الدىمىزدان ءبىر اسكەري جىگىت كەزدەسىپ قالىپ, ءبىزدى ءبىر-بىرلەپ كوتەرىپ قاۋىپسىز ايماققا جەتكىزدى. ءوز باسىن قاتەرگە تىكسە دە, قامقور بولىپ, ساعات تۇنگى 3-تەن 6-عا دەيىن جانىمىزدا ءجۇردى. باسقا ادامدار سياقتى قاشىپ كەتپەدى. شاراسىز بولعان كارى ادامداردى جۇباتىپ, دەمەۋ سوزدەر ايتتى. ەسىمىزدى جيىپ, سۋ تاسقىنى قاتەرى باسىلعاندا, ۇيىمىزگە ورالدىق. سودان, سول جىگىتتىڭ كىم ەكەنىن سۇراستىردىق. ول الماتى قالاسىنداعى 2027-اسكەري ءبولىمنىڭ مايورى ماۋلەن مۇحتار ۇلى جاقىپوۆ ەكەن. بىرىنشىدەن, سول جىگىتتى تاربيەلەگەن اتا-اناسىنا العىسىمىز شەكسىز. ەكىنشىدەن, شەكارا قىزمەتكەرلەرىن قىراعىلىققا, باۋىرمالدىققا, قامقورلىققا باۋلىعان شەكارا قىزمەتىنىڭ باسشىلارىنا العىس ايتامىز. قازاعىمىزدىڭ ەرجۇرەك ۇلدارىنا مىڭ العىس. جوعارىداعىداي قاتەرلى ساتتەردە ءوزىن ويلاماي, ۇلكەندەرگە كومەك كورسەتە بىلگەن ماۋلەن ۇلىمىزدىڭ جاسى ۇزاق بولسىن.
تاۋەن اكىمجانوۆ, قاراعايلى شاعىن اۋدانىنىڭ ناۋرىزباي باتىر كوشەسىندەگى 14-ءۇيدىڭ تۇرعىنى.
الماتى.
