فوتو: shutterstock.com
وڭىرلەر بويىنشا احۋال اركەلكى. اتىراۋ وبلىسى اپاتتىق ۇيلەر سانى بويىنشا كوش سوڭىندا تۇر, مۇندا 705 نىسان بار. وندا 13 مىڭنان استام تۇرعىن ءومىر ءسۇرىپ جاتىر. ءبىر جىل ىشىندە وبلىستاعى اپاتتى ۇيلەر 49 بىرلىككە ارتقان, بۇل ەلدەگى ەڭ ناشار ديناميكالاردىڭ ءبىرى. اقمولا وبلىسىندا 270 اپاتتىق تۇرعىن ءۇي تىركەلگەن, باتىس قازاقستان وبلىسىندا – 262 ءۇي, ونىڭ ىشىندە ءبىر جىلدا 55 بىرلىككە وسكەن ەڭ جوعارى ءوسىم بايقالادى. استانا قالاسى (191) مەن اباي وبلىسىندا دا (191) اپاتتى ۇيلەر سانى كوپ.
ەڭ از اپاتتى ۇيلەر جامبىل (4), قوستاناي (8) جانە الماتى (16) وبلىستارىندا تىركەلگەنىمەن, بۇل ستاتيستيكالىق دەرەكتەر ناقتى جاعدايدى تولىق كورسەتپەيدى. مىسالى, الماتى قالاسىندا رەسمي مالىمەتتەرگە سايكەس اپاتتىق ۇيلەر «جوق», بىراق مەگاپوليستە 2020 جىلعا دەيىن 1,7 مىڭنان استام اپاتتى ءۇي تىركەلگەن ەدى.
قالىپتاسقان ديناميكا ەكىۇداي كورىنىس كورسەتەدى. ءبىر جاعىنان, اپاتتى ۇيلەردىڭ سانىنىڭ ءوسۋى تۇرعىن ءۇي قورىنىڭ توزعانىن بىلدىرەدى, ەكىنشى جاعىنان, بۇل كورسەتكىش تەكسەرۋ جۇمىستارىنىڭ جاندانۋىن جانە ۇيلەردى رەسمي اپاتتى دەپ تانۋدى كورسەتەدى. اپاتتىق مارتەبەسى بەرىلگەندە عانا رەنوۆاتسيا مەن كوشىرۋ باعدارلامالارى ىسكە قوسىلادى, ازاماتتاردىڭ قاۋىپسىزدىك دەڭگەيى مەن تۇرعىن ءۇي جاعدايى جاقسارادى.
جالپى العاندا, قازاقستانداعى اپاتتىق جاعدايداعى ۇيلەر كۇردەلى ماسەلە. بۇگىنگى باستى مىندەت – ۇيلەردى تەك تىركەپ قويماي, بۇزىپ, جاڭا تۇرعىن ءۇي قورىن سالۋ جانە ازاماتتاردى قاۋىپسىز جەرگە كوشىرۋ. كەشەندى شارالار عانا حالىققا قاۋىپتەردى ازايتۋعا جانە تۇرعىن ءۇي جاعدايىن شىنايى جاقسارتۋعا مۇمكىندىك بەرەدى.
