فوتو: سالي سابيروۆ/ۇوك
مانەرلەپ سىرعاناۋدان ۇلتتىق قۇراما سپورتشىسى, XXV قىسقى وليمپيادا چەمپيونى ميحايل شايدوروۆ «ۇزدىك كوستيۋم» اتالىمىندا ۇمىتكەرلەر اراسىندا بار. ونىڭ 2025-2026 جىلعى ماۋسىمداعى ەركىن باعدارلاماعا ارنالعان كيىمى كوپشىلىك پەن ساراپشىلاردىڭ نازارىن اۋداردى.
تۋريزم جانە سپورت مينيسترلىگىنىڭ مالىمەتىنشە, كوستيۋم ديزاينىن وتانداستارىمىز ساكەن جاقسىباەۆ پەن اقمارال جاراسقىزى ازىرلەگەن.
جالپى بۇل نوميناتسيادا ءسان, ستيل, ىزدەنىس پەن تۇپنۇسقا وبراز ۇيلەسىم تاپقان 16 كانديدات ىرىكتەلگەن. بۇل قاتاردا جەكەلەي, جۇپتىق جانە ىرعاقتى بي باعدارلاماسىنىڭ وكىلدەرى بار.
داۋىس بەرۋ ISU پلاتفورماسىنداء جۇرىپ جاتىر.
جانكۇيەرلەر قاتىساتىن 1-كەزەڭ 18 ناۋرىز استانا ۋاقىتىمەن ساعات 17:00-دە اياقتالادى. ءار نوميناتسيا بويىنشا ءۇش ۇمىتكەردەن تۇراتىن قىسقا ءتىزىم (shortlist) شىعادى. تۇپكىلىكتى جەڭىمپازداردى مانەرلەپ سىرعاناۋ سالاسىنىڭ بەدەلدى ساراپشىلارىنان قۇرالعان قازىلار القاسى تاڭدايدى.
وليمپيادا چەمپيونى ميحايل شايدوروۆقا ءۇش بولمەلى پاتەر سىيعا تارتىلدى
سونىمەن قاتار «ۇزدىك جاڭا ەسىم» جانە «جىل تۇلعاسى (تۇلعالارى)» ماراپاتىنىڭ يەگەرلەرى سالتاناتتى ماراپاتتاۋ ءراسىمى كەزىندە جاريالانادى.
سالتاناتتى ماراپاتتاۋ ءراسىمى ISU Figure Skating Awards 2026 ماراپاتتاۋ راسىمى پراگادا وتەتىن مانەرلەپ سىرعاناۋدان الەم چەمپيوناتى اياقتالعان سوڭ 29 ناۋرىز كۇنى وتەدى. بۇل ءىس-شارا 2025-2026 جىلعى ماۋسىمنىڭ قورىتىندىسى بولماق.
پرەزيدەنت ميحايل شايدوروۆتى ءىى دارەجەلى «بارىس» وردەنىمەن ماراپاتتادى
