فوتو: ۇكىمەت
ۇكىمەت باسشىسى ونەركاسىپ جانە قۇرىلىس مينيسترلىگىنە ءوڭىر اكىمدىكتەرىمەن بىرلەسىپ, تۇرعىن ءۇيدى پايدالانۋعا بەرۋ جوسپارلارىنىڭ ورىندالۋىن قامتاماسىز ەتۋدى تاپسىردى.
«بۇل رەتتە قالالاردا قولايلى, جايلى ورتانى قالىپتاستىرۋعا كوڭىل ءبولۋ كەرەك. مەكتەپتەر مەن بالاباقشالار, اۋرۋحانالار جاقىن ءارى قولجەتىمدى بولۋى ءتيىس. ءتيىستى ينجەنەرلىك-كوممۋنيكاتسيالىق ينفراقۇرىلىمدى دامىتۋ جۇمىستارى دا قارقىندى ءجۇرۋى كەرەك. ءىرى قالالاردا, اسىرەسە استانا مەن الماتىدا قۇرىلىس جۇمىستارىنىڭ كولەمى ءوسىپ كەلەدى. سونىمەن قاتار مونوقالالار مەن اۋىلدىق جەرلەردەگى تۇرعىن ءۇي قۇرىلىسىن دامىتۋعا دا كوڭىل ءبولۋ قاجەت», دەدى ولجاس بەكتەنوۆ.
وتەمدىك تاريف: قاراعاندىدا كوممۋنالدىق قىزمەت باعاسى 2027 جىلعا دەيىن تومەندەتىلدى
وسىعان بايلانىستى ونەركاسىپ جانە قۇرىلىس مينيسترلىگىنە «بايتەرەك» حولدينگىنە اكىمدىكتەرمەن بىرلەسىپ, ازاماتتاردى قولجەتىمدى باسپانامەن قامتاماسىز ەتۋ بويىنشا وڭىرلىك باعدارلامالاردى ىسكە اسىرۋدى جانداندىرۋ تاپسىرىلدى.
ايتا كەتەيىك, بيىل ەلىمىزدە 18,5 ملن شارشى مەتر تۇرعىن ءۇي سالۋ جوسپارلانعان. ەلىمىزدە تۇرعىن ءۇي قۇرىلىسىن دامىتۋعا وسى جىلى شامامەن 2,4 ترلن تەڭگە باعىتتالىپ وتىر.
