قازاقستان ۋاقىتى بويىنشا 14:30-دا پارابياتلوننان وتىرىپ جارىساتىن ەرلەر اراسىندا جەكە جارىس وتەدى. بۇل جارىسقا
ەربول حاميتوۆ, سەرگەي ۋسولتسەۆ جانە يۋري بەرەزين قاتىسادى.
16:30-دا پارابياتلوننان تۇرىپ جارىساتىن ەرلەر اراسىندا جەكە جارىس وتەدى. بۇل سايىستا الەكساندر گەرليتس جۇلدە ءۇشىن كۇرەسەدى.
ايتا كەتەيىك, 7 ناۋرىز كۇنى بياتلونداعى سپرينت جارىسىندا قازاقستاندىق سپورتشىلار مىناداي ناتيجە كورسەتتى:
ەربول حاميتوۆ – 8-ورىن,
الەكساندر گەرليتس – 11-ورىن,
سەرگەي ۋسولتسەۆ – 18-ورىن,
يۋري بەرەزين – 25-ورىن.
2026 جىلعى قىسقى پاراليمپيادادا قازاقستان اتىنان جەتى سپورتشى ەكى سپورت تۇرىندە – پارابياتلون جانە پاراشاڭعى جارىسىندا ونەر كورسەتىپ جاتىر. كومانداداعى ەڭ ۇلكەن سپورتشى 51 جاستا, ال ەڭ جاسى 17 جاستا.
قۇراما ساپىندا پاراليمپيادا ويىندارىنىڭ قولا جۇلدەگەرى, سونداي-اق پاراشاڭعى جانە پارابياتلوننان الەم چەمپيونى جانە بياتلوننان الەم كۋبوگىنىڭ يەگەرى بار.
